حرم امام رضاعلیہ السلام کے مختلف مقامات پر مسٹنگ سسٹم کا انتظام

 آستان نیوز کے مطابق ، حرم مطہر رضوی کے شعبہ خدمات زائرین کے سربراہ محمد شبان نے اس بات کا ذکر کرتے ہوئے کہ امام رضا علیہ السلام کے ایام شہادت کے موقع پر زائرین کی رفاہ و آسائش کے لئے تمام تر کوششیں اور توانائیاں بروئے کار لائی گئي ہیں کہاکہ صفر کے آخری ایام میں ملک اور بیرون ملک سے بہت بڑی تعداد میں زائرین اور عزاداروں کی مشہد مقدس اور حرم میں موجودگی کو دیکھتے ہوئے زائرین کی زیارت کو پرسکون اور آسان بنانے کی غرض سے حرم کے سبھی مقامات میں رفاہیات کے بہترین انتظام کئے گئے ہيں اورخاص طور پر پانی کے چھڑکاؤ یا مسٹنگ سسٹم کا  وسیع انتظآم کیا گيا ہے تاکہ گرمی کے موسم میں بھی حرم کے صحنوں اور دیگر مقامات پر کسی طرح کی گرمی کا احساس نہ ہو ، اور زائرین کو مرطوب ہوا ملتی رہے ۔
 
ہوا کو مرطوب اور لطیف بنانے کے لئے مسٹنگ سسٹم کا قیام

محمد شبان نے زائرین اور مجاورین کو گرمی کی شدت سے محفوظ رکھنے کے لئے حرم مطہر کے صحنوں میں مسٹنگ سسٹم کے قیام کا ذکر کرتے ہوئۓ کہا کہ حرم امام رضا علیہ السلام کے آزادی ، کوثر، غدیر، امام حسن مجتبی (ع) اور دیگر صحنوں اور زائرین کے راستوں منجملہ باب الہادی، باب الکاظم اور صحن پیغمبراعظم(ص) میں مسٹنگ سسٹم لگائے گئے ہيں تاکہ زائرین لطیف انداز میں پانی کی بوچھار سے خنکی کا احساس کریں اور گرمی کی شدت سے محفوظ رہيں اور ماتمی انجمنیں بھی سکون کے ساتھ نوحہ خوانی و سینہ زنی کرسکیں ۔ انہوں نے کہا کہ زائرین اور ماتمی انجمنوں کے لئے خدمت رسانی کا یہ سلسلہ چوبیس گھنٹے جاری ہے اور عزاداروں اور زائرین کی بھیڑ اور کثرت کو دیکھتے ہوئے ہی مسٹنگ سسٹم کو تنظیم کیا گيا ہے -