حرم رضوی میں اردو زبان زائرین کے لئے جشن "میلاد صادقین" کا انعقاد

آستان نیوز کے مطابق اس خصوصی جشن میں جو امام رضا علیہ السلام کے حرم مطہر کے ادارہ غیر ملکی زائرین کے شعبہ برصغیر کے زیراہتمام رواق غدیر میں منعقد ہوا حاضرین نے ابتدا میں معنوی فضا میں میثم عباس سحر کے ساتھ مل کر منقبت خوانی کی اور زیارت امین اللہ پڑھی  اور یوں اپنے قلوب کو امام رئوف کے حرم کی ضریح مبارک کی جانب متوجہ کیا ۔
پاکستان کے عالم دین حجت الاسلام سید محمد قرہ العین عابدی نے اس جش میں خطاب کے دوران پیغمبر اکرم ( ص) کی خصوصیات اور ان کی عظیم شخصیت پر روشنی ڈالی۔ ان کا کہنا تھا کہ خدا وندکریم نے قرآن کریم میں پیغمبر اسلام ( ص) کی جو ایک اہم خصوصیت اور صفت بیان کی ہے  وہ <<رحمت للعالیمن>> ہے  
 
حجت الاسلام قرہ العین عابدی نے آیہ و «وَما أرسَلناکَ إِلّا رَحمَةً لِلعالَمین» کا حوالہ دیتے ہوئے کہا کہ پیغمبراکرم ( ص) صرف کسی ایک قوم ، سرزمین ، یا خاص طبقے کے لئے مبعوث نہيں ہوئے بلکہ آنحضور کی رحمت پوری دنیا پر محیط ہے
انہوں نے کہا کہ قرآن کریم نے پیغمبر اکرم ( ص) کی شخصیت کو متعارف کرانے کے لئے ان کے الگ الگ اوصاف بیان کئے ہیں؛ << مزمل>> و << مدثر>> انہی جملہ اوصاف میں سے ہیں اور خدا وندعالم نے  اسی طرح << رئوف >> اور << رحیم >> ،  <<بشیر>> اور << نذیر>> کے طور پر بھی پیغمبر کو متعارف کرایا ہے ایسا پیغمبر جو بشیر بھی ہے اور نذیر بھی ہے اور انسانوں کی نور اور سعادت کی جانب رہنمائی کرتاہے ۔    

اس خصوصی جشن میں عرفان مہدی حیدری اور ظہیر عباس ربانی نے بھی قیصدہ خوانی کی اور پوری محفل اور جشن میں درود و سلام کا نذرانہ پیش کیا جاتا رہا اور حرم مطہر کی معنوی فضا میں زائرین نے اس مبارک شب کی معنویت سے خود کو مستفیض کیا ۔