حالیہ صدیوں کی عظیم ہستی کے پاک خون کا انتقام لے کررہیں گے۔

بیان میں اس بات پر زور دیتے ہوئے کہ اس جرم کے مرتکبین کو یہ جان لینا چاہئے اب اسلامی جمہوریہ ایران کی مسلح افواج کے لئے کوئي بھی ریڈ لائن باقی نہیں رہ گئی ہے عصرحاضر کے عظیم مرد مجاہد کے پاک اور مطہر خون کا انتقام پوری قوت کے ساتھ لیا جائے گا کہا گيا ہے کہ 
مِنَ الْمُؤْمِنِینَ رِجالٌ صَدَقُوا ما عاهَدُوا اللّهَ عَلَیْهِ فَمِنْهُمْ مَنْ قَضى نَحْبَهُ وَ مِنْهُمْ مَنْ یَنْتَظِرُ وَ ما بَدَّلُوا تَبْدِیلاً
امت اسلامیہ کے پیشوا اور زعیم آسمانی ہوگئے۔ 
مسلمانان جھان کے شجاع و بصیر مرجع تقلید اور ایران اسلامی کی تاریخ کے عظیم رہبر، سامراجی طاقتوں اور دنیا کی جابرحکومتوں کے مقابلے میں ایک طویل عرصے تک مجاہدت اور استقامت کا بھرپور مظاہرہ کرنے کے بعد دنیا کے شقی ترین انسانوں کے ہاتھوں اپنے اماموں اور پیشواؤں امام علی اور امام حسن علیھما السلام کی تاسّی اور پیروی کرتے ہوئۓ ماہ مبارک رمضان میں روزہ کی حالت میں بھوکے اور پیاسے ٹکڑے ٹکڑے بدن کے ساتھ اپنے پروردگار کے حضورمشرف ہوگئے اور منصب شہادت پر فائز ہوئے 
شہادت ہی اس پورے عرصے میں ان کی بلاوقفہ اور پیہم کوششوں اور مجاہدتوں کا اجر تھی ۔ ان کا نظریہ اور مکتب یہ ہے کہ دور حاضر کے یزیدیوں کی توسیع پسندیوں اورسرکشی کے مقابلے میں استقامت اورپائيداری ہی منزل سعادت و نجات کی جانب لے جانے والا واحد راستہ ہے  
رہبرانقلاب اسلامی نے جو محاذ استقامت کے علمبرداراور مظلومین عالم کے حامی تھے انتہائی دانشمندی ، شجاعت اور راسخ ایمان کے ساتھ اسلامی انقلاب کے قابل فخرراستے کی رہنمائي کی اور ثابت کردیا کہ سامراج کے مقابلے میں استقامت، قوم کی عزت اور قومی اقتدار کا اصل ستون ہے      
رہبرانقلاب اسلامی کی شہادت ان کے مشن اور استقامت کا اختتام نہيں ہے بلکہ امت اسلامیہ کے اتحاد اور استقامت کے نئے باب کا آغاز ہے اور ایرانی قوم اپنے اتحاد اور اقتدار کے ساتھ ان کے  پر افتخار راستے اور مشن کو پہلے سے زیادہ مضبوطی کے ساتھ آگے بڑھائے گي    
ایران میں مقدس مقامات اور امام زادوں کے مقبروں کی انتظامیہ کے سکریٹریٹ نے اپنے بیان میں کہا ہے کہ ہم اس عظیم حادثہ کی حضرت ولی عصرعج اللہ تعالی فرجہ الشریف ، علما، دنیا کی اقوام اور حریت پسندوں بالخصوص ایران کی باشرف قوم کی خدمت میں تعزیت پیش کرتے ہيں ۔
ایرانی قوم اپنی ہوشیاری اور اتحاد سے امام  خامنہ ای(رضوان اللہ تعالی علیہ) کے پاک خون  کواسلامی انقلاب کی اعلی امنگوں کی پیشرفت، اقتدار اور اس کو عملی جامہ پہنانےکا سرمایہ قرار دے گي ۔ اور مجرموں کویہ جان لینا چاہئے اب اسلامی جمہوریہ ایران کی مسلح افواج کے لئے اب کوئي ریڈ لائن نہیں رہے گي اور حالیہ صدیوں کے عظیم انسان کے پاک و مطہر خون کا انتقام پوری قوت کے ساتھ لیں گی               
اللَّهُمَّ إِنَّا نَشْکو إِلَیْک فَقْدَ نَبِیِّنَا وَ غَیْبَهَ وَلِیِّنَا وَ کثْرَهَ عَدُوِّنَا وَ قِلَّهَ عَدَدِنَا وَ شِدَّهَ الْفِتَنِ بِنَا وَ تَظَاهُرَ الزَّمَانِ عَلَیْنَا...
أَمَّا حُزْنِی فَسَرْمَدٌ وَ أَمَّا لَیْلِی فَمُسَهَّدٌ...