شہدائے میناب کے اہل خانہ سے ملاقات میں آستان قدس کے متولی کے تین احکامات

 آستان نیوز کے مطابق آيت اللہ احمد مروی نے منگل 31مارچ 2026 کو  شہیدہ ریحانہ اور شہید مہدی ذاکری کے اہل خانہ سے ملاقات میں جو امام رضا علیہ السلام کے حرم مطہر میں انجام پائي کہا کہ آستان قدس رضوی میں ہمارے ساتھی تین اقدامات کے لئے تیاری جلد سے جلد مکمل کریں 
 انہوں نے کہا کہ شجرہ طیبہ اسکول کے عزیز شہدا کے لئے گلزار شہدا انتہائی خوبصورت اور ان شہید  بچوں کے شایان شان طریقے سے تیار کیا جائے اور شجرہ طیبہ اسکول کے شہید بچوں کے لئے گلزارشہدا کے نام سے اس قبرستان کوایک جامع مرکز کے طور پر بنایا جائے۔ ان کا کہنا تھا کہ یہ قبرستان نہيں بلکہ ایسے پاک اور آزادی پسند بچوں کی پاکیزہ ارواح کا مرکز ہے جو یہاں آرام کررہے ہيں انشاء اللہ بہترین فن معماری اور ہنر مندی کے ساتھ اس مقدس اور باعظمت مقام کو تیار کیا جائے ۔
 آستان قدس رضوی کے متولی نے کہا کہ دوسرے یہ کہ شہدائے میناب کے سبھی اہل خانہ کو بتدریج حضرت امام رضا علیہ السلام کا مہمان بنایا جائے ۔  آیت اللہ مروی نے کہا کہ ان شہدا میں سے ایک شہید کی ماں کا کہنا ہے کہ ((بچے ہر سال اپنے پیسوں کے غلک امام رضا علیہ السلام کے لئے لاتے تھے)) اس سال اے مادر عزیز آپ کے  بچوں نے اپنی جان کا نذرانہ امام رضا علیہ السلام کے حضور پیش کیا ہے ان بچوں نے اپنے پاک اور معصوم خون کو حضرت امام رضآ علیہ السلام کو ہدیہ کیا ہے 
آپ کس قدر خوش نصیب ہيں۔ ان غلکوں کو اپنے پاس محفوظ رکھئے تاکہ  حضرت ثامن الحجج علیہ آلاف التحیہ و الثنا سے اس سرزمین کے بچوں کے عشق و محبت کی یادگار کے طور پر باقی رہیں ۔
آيت اللہ مروی نے کہا کہ تیسرے یہ کہ انشاء اللہ آٹھویں امام معصوم کے مقدس نام سے ان علاقوں میں جہاں اسکولوں کی تعداد کم ہے شجرہ طیبہ رضویہ کے نام سے آٹھ اسکول تعمیر کرائے جائيں گے ۔ اور آستان قدس رضوی اس کام کو انشاء اللہ انجام دے گا اور آج سے ہی ان تینوں کام کے لئے اقدامات شروع کردئے جائيں تاکہ ہم بھی اس عظیم کام میں اپنا معمولی حصہ ڈال سکیں اور ان عزیز اور معصوم شہدا کو سلام پیش کرسکیں ۔