خصوصی پروگرام (( رہبرمقتدر)) میں رہبرشہید کو اردو زبان زائرین کا خراج عقیدت 

آستان نیوز کے مطابق اس خصوصی پروگرام میں جو امام رضا علیہ السلام کے حرم مطہر کے ادارہ غیر ملکی زائرین کے شعبہ برصغیر کی جانب سے رواق غدیر میں منعقدہوا مختلف ملکوں منجملہ ہندوستان ، پاکستان اور دیگر ملکوں کے زائرین نےشرکت کی ۔ پروگرام کے دوران مقررین اور شعرا نے رہبرشہید کی زندگي پر روشنی ڈالی اور مصائب اہل بیت علیھم السلام بیان کئے اس دوران زائرین نے رہبرشہید انقلاب حضرت آيت اللہ العظمی سید علی خامنہ ای (رح ) کو جذباتی انداز میں خراج عقیدت پیش کیا۔ 
چہلم کے اس خصوصی پروگرام میں اردو زبان شعرا منجملہ حسن زیدی ، صمدنقوی ، سید احمدعلی رضوی، اظهر مرزا، حسن رضا، ارم زیدی، شمشاد شمسی، عرفان نقوی اور ذیشان علی حیدری  نےانقلابی نظمیں پڑھیں اور رہبرشہید انقلاب کے حضور منظوم نذرانہ عقیدت پیش کیا 
ان شعرا نے خاص طورپر جنگ رمضان کے موضوع پر نظمیں اور اشعار پڑھے اور رہبرانقلاب اسلامی حضرت آيت اللہ سید مجتبی خامنہ ای کی اتباع اور اطاعت کے عزم کا اعلان کیا 
پروگرام کے موقع پر پاکستان کےعالم دین اور جامعہ المصطفی مشہد سے فارغ التحصیل حجت الاسلام سید اسدعباس کاظمی نے کہا کہ رہبرانقلاب کی شہادت  نے امت اسلامیہ کے دل کو داغدار بنادیا اور ہم سبھی لوگ ان کی شہادت کی خبر سن کر اپنے آپ پر قابو نہ رکھ سکے بنابریں ان کے چہلم کا خصوصی پروگرام ہم سب کے داغدار دلوں کا مرہم ہے ۔
انہوں نے کہا کہ آيت اللہ العظمی سید علی خامنہ ای ر(رح)  ہم سب کے پدر مہربان تھے اور ان کی شہادت سے ہم سب یتمیمی کا احساس کررہے ہیں اور ہم پاکستان کے عوام اس دلیر و شجاع  مجاہد کو کبھی فراموش نہيں کرسکتے اور رہبرانقلاب آيت اللہ سید مجتبی خامنہ ای کی پیروی اور اتباع کرکے رہبرشہید کے مشن کو جاری رکھیں گے 
  رہبرشہید انقلاب سے تجدید عہد کا موقع 
ایک ہندوستانی زائر ارشد حسین آرمون نے بھی رہبرشہید انقلاب کے چہلم کے اس خصوصی پروگرام کے موقع پر کہا کہ ہندوستان کے شیعوں کو رہبرشہید انقلاب سے خاص عقیدت اور محبت تھی اور اس زعیم عالیقدر کی شہادت ہم سب کے لئے ایک بڑا صدمہ ہے ۔
انہوں نے کہا کہ آیت اللہ العظمی خامنہ ای (رح) کی شہادت کوچالیس روز مکمل ہونے پرچہلم کا خصوصی پروگرام ایک اہم موقع ہے کہ ایک بار پھر ان کے چاہنے والے ایک جگہ اکٹھا ہوں اور رہبرشہید کی امنگوں سے تجدید عہدکریں ۔ اس ہندوستانی زائر نے کہا کہ چہلم کے اس موقع پر رہبرشہید انقلاب سے لوگ بھرپور اظہار محبت اور عقیدت کررہے ہیں ۔