غیر ملکی زائرین نے حرم مطہررضوی میں قرآن سرپر رکھ کر الہی العفو کی صدا بلند کی

آ‎ستان نیوز کے مطابق خیر و برکت والی پہلی شب قدر میں عرب زبان ، اردو زبان اور آذری زبان جیسے غیر ملکی زائرین نے امام رضا  علیہ السلام کے حرم میں نورایمانی سے سرشار دلوں کے ساتھ اعمال شب قدر انجام دئے اور مولائے روؤف حضرت امام رضا علیہ السلام  کے جوارمیں سحر تک اللہ سے راز ونیاز کیا اور خدا سے رحمت و مغفرت طلب کی
اردو زبان زائرین نے پہلی شب قدرکے اعمال رات ساڑھے سات بجے رواق غدیرمیں شروع کئے جس میں ہندوستان، پاکستان اور بنگلہ دیش کے زائرین اور مشہد میں مقیم ان ملکوں کے شہریوں نے شرکت کی   
اردو زبان غیر ملکی زائرین نے اعمال شب قدر کے آغاز میں زیارت سید الشہدا کی قرائت کی جس کی قرائت کا اس شب میں بیحد ثواب ہے ۔ اردو زبان زائرین نے اعمال شب قدر کے دوران امام رضا علیہ السلام کے حرم سے سید الشہدا حضرت امام حسین علیہ السلام کو سلام پیش کیا 
زیارت امام حسین  علیہ السلام کے بعد جس کی قرائت محمد اجمل نے انجام دی زائرین نے دعائےجوشن کبیر پڑھی بعد ازاں حاضرین نے شب ضربت کی مناسبت سے نوحہ خوانی و سینہ زنی کی ۔ نوحہ خوانی سید میراحمد علی رضوی نے کی جبکہ مجلس عزا کو حجت الاسلام سید علی افضل زیدی نے خطاب کیا اس درمیان میثم عباس سحر اور سید عمران عباس نقوی نے مجلس عزا میں مرثیہ خوانی اور نوحہ خوانی کی 
عرب زبان زائرین نے بھی امام رضا علیہ السلام کے حرم مطہر میں پہلی شب قدر کے اعمال انجام دینے کے ساتھ ساتھ شب  ضربت کی مناسبت سے  امام علی علیہ السلام کی مصیبت اور شہادت پراشک ماتم بہائے ۔
عرب زبان زائرین نے  جن میں عراق ،  شام ، لبنان ، بحرین ، متحدہ عرب امارات اور دیگر عرب ملکوں کے زائرین شامل تھے اعمال شب قدر رواق دارالرحمہ میں انجام دئے اس دوران زائرین نے دعائے افتتاح قاری فاضل غانمیان کے ساتھ قرائت کی اس کے زیارت امام حسین علیہ السلام پڑھی گئی اور زائرین نے بے کفن آقا و مولا سید الشہدا حضرت امام حسین علیہ السلام کے حضور سلام پیش کیا  
عرب زبان زائرین کی جانب سے پہلی شب قدر کے اعمال کے دوران جس کا آغاز رات 7.30  بجے ہوا دعائے جوشن کبیر کی تلاوت کی گئي دعائے جوش کبیر کی قرائت عباس غبیش اور الشیخ محمد عاشوری نے کی  اور زائرین نے شب ضربت کی مناسبت سے مجلس عزا بھی برپا کی جس میں ذکر مصیبت کے ساتھ ساتھ نوحہ خوانی و سینہ زنی کی ۔ حجت الاسلام شیخ واعظ زادہ نے مجلس کو خطاب کیا اور پھر قران سر پر رکھ کر اعمال شب قدر مکمل کرائے ۔
  آذری زبان زائرین نے بھی پہلی شب قدر کے اعمال امام رضا  علیہ السلام کے حرم میں انجام دئے ان زائرین نے یہ اعمال حرم کے  دارالتفسیر میں انجام دئے جو مقبرہ شیخ طوسی میں واقع ہے 
 آذری زبان زائرین نے بھی  اعمال شب قدر رات ساڑھے سات بجے شروع کئے جس کے دوران دعائے جوش کبیر کے ساتھ دیگر دعاؤں کی تلاوت کی گئی۔ شب ضربت کی مناسبت سے مولائے متقیان حضرت علی ابن ابیطالب علیہ السلام کی مظلومانہ شہادت پر نوحہ و ماتم بھی کئے گئے
 نوحہ خوانی ذاکر اہل بیت آل اللہ نے کی جبکہ مجلس عزا کوحجت الاسلام محمد باقرساعی ور نے خطاب کیا اور قرآن سرپر رکھ کر شب قدر کے اعمال مکمل کرائے ۔