ظلم کے خلاف استقامت کا راستہ جاری رہے گا، غیرملکی طلبا کا اعلان

امام رضا (ع) انٹرنیشنل یونیورسٹی کے غیر ملکی طلبا نے ایک بیان جاری کرکے رہبرانقلاب اسلامی کی پرافتخار شہادت پر تعزیت پیش کی اور امریکا اور صیہونی حکومت کے وحشیانہ حملوں کی سخت الفاظ میں مذمت کی ۔ غیرملکی طلبا نے کہا کہ ظلم کے مقابلے میں استقامت کا راستہ جاری رہے گآ 
آستان نیوز کی رپورٹ کے مطابق اس بیان میں جو اِنی سِلمُ لِمَن سَالَمَکُم وَ حَربُ لِمن حارِبکُم؛ کی زیارت امام حسین علیہ السلام کی عبارت سے شروع ہوا ہے درد و غم میں ڈوبے ہوئے جملوں کے ساتھ حضرت ولی عصر(عج)، اسلامی جمہوریہ ایران کے شہید پرور اورباعزت  عوام اور آزادی وانصاف کے راستے پرچلنے والے دنیا کے سبھی حریت پسندوں کی خدمت میں تعزیت پیش کی گئی    
امام رضا( ع) انٹرنیشنل یونیورسٹی کے غیر ملکی طلبا کے اس پیغام کے ابتدائي حصے میں راہ حق میں فداکاری اور قربانی کی ضرورت کا ذکرکرتے ہوئے کہا گيا ہے کہ پوری تاریخ میں انسانی عدل و انصاف کے قیام کی کوششوں میں بے پناہ قربانیاں دی گئيں اور انصاف کے قیام کے لئے ہمیشہ ہی شجاع و دانشمند انسانوں نے مجاہدت اور فداکاری کا مظاہرہ کیاہے اور رہبرشہید نے بھی اسی الہی راستے میں اپنی جان کی قربانی پیش کرکے پوری دنیا کو واضح اور روشن پیغام دیاہے کہ ہم ظلم کے مقابلے میں ڈٹے رہیں گے اور کسی بھی قیمت پر ظلم کے سامنے جھک جانے جیسی ذلت ورسوائي قبول نہیں کریں گے   
امام رضآ (غ) انٹرنیشنل یونیورسٹی کے غیر ملکی طلبا نے اپنے بیان میں اس مصیبت عظمی میں خود کو بھی شریک غم قرار دیا اور امریکا و صیہونی حکومت کے وحشیانہ حملوں کی سخت الفاظ میں مذمت کی
ان غیر ملکی طلبا نے ایک بار پھر رہبرکبیرانقلاب اسلامی (رح) کی پاک و ملکوتی روح پر درود و سلام بھیجتے ہوئے غاصب صیہونی حکومت کی نابودی کی دعا کی 
اس میثاق نامہ کے آخر میں غیر ملکی ملکی طلبا نے آزادی اور انصاف کے پاک راستہ کو جاری رکھنے پر زور دیا اور کہا کہ بین الاقوامی طلبا کا محاذ اِنی سِلمُ لِمَن سَالَمَکُم وَ حَربُ لِمن حارِبکُم؛ کو اپنا مشعل راہ قراردیتا ہے اورباطل کی نابودی تک اپنی جد وجہد جاری رکھے گا 
غیرملکی طلبا نے اپنے بیان کا اختتام «قَالو اِنَا لِلَه و اِنَا اِلیهِ راجِعون» کی قران کریم کی آيت سےکیا اور سبھی غیر ملکی طلبا نے اس بیان پر اپنے اپنے دستخط بھی کئے ۔