دفاعی طاقت اور اہل بیت (ع) سے توسل سامراج کے خلاف جنگ میں کامیابی کا عامل ہے 

 آستان نیوز کے مطابق حجت الاسلام والمسلمین شہاب مرادی نے رہبرشہید انقلاب اسلامی آيت اللہ العظمی سید علی خامنہ ای کی یاد میں خصوصی پروگرام ((امام امت)) میں جو امام رضا علیہ السلام کے حرم مطہر کے رواق امام خمینی (رح) میں مجاورین اور زائرین کی کثیرتعداد میں شرکت  کے ساتھ منعقد ہوا  تقریر کرتے ہوئے کہا کہ اس وقت محاذ حق اور باطل کے درمیان جنگ جاری ہے ان کا کہنا تھا کہ اس جنگ میں ہماری کامیابی کا ایک اہم عامل طاقت ہے ۔
انہوں نے کہا کہ ہمارا دشمن ایک ایسا دشمن ہے جو ہمیں نابود کردینا چاہتا ہے بنابریں اگر ہم اس کے مقابلے میں کمزوری کا مظاہرہ کریں گے تو ہم صفحہ ھستی سے مٹ جائيں گے۔ لیکن اگرہمارے پاس طاقت ہوگی تو نہ صرف یہ کہ ہم دشمن کا ڈٹ کرمقابلہ کریں گے بلکہ ہم اس کوبدترین شکل میں سزا بھی دیں گے تاکہ پھر وہ کبھی ہم پر حملہ کرنے کی جرات نہ کرسکے ۔
حرم مطہر رضوی کے خطیب نے اس بات کا ذکرکرتے ہوئے کہ آبادی اور افرادی قوت کی کثرت بھی طاقت کا ایک اہم عامل ہے کہا کہ جس ملک کی آبادی جتنی زیادہ ہوگی یعنی اس کے پاس فوجیوں کی تعداد بھی زیادہ ہوگي اور نتیجے میں اس کی طاقت بھی زیادہ ہوگي اوروہ زیادہ طاقت کے ساتھ دشمن کا مقابلہ کرسکے گا اورآج اسی لئے ہم دشمن کے مقابلے میں زیادہ طاقتور ہیں ۔
حجت الاسلام شہاب مرادی نے کہا کہ آج دشمن کے مقابلے میں ہماری کامیابی کا عامل فوجی اور میزائلی توانائي ہے اور زبوں حالی کا شکار دشمن جو جنگ کے میدان میں خود کو شکست خوردہ پارہا ہے اب نفسیاتی جنگ کا سہارا لے رہا ہے لیکن سپاہیان اسلام نے اہل بیت اطہار علیھم السلام سے توسل اور اپنی میزائلی طاقت سے استفادہ کرکے جو ایرانی جوانوں کی انتھک محنتوں کا نتیجہ ہے جنگ میں دشمن پر غلبہ حاصل کرلیا ہے ۔
اس پروگرام کے دوران مداحان اہل بیت (ع) آل اللہ ، جعفر ملائکہ ، سید مہدی میرداماد ، علی اکبر حائری اور مرتضی اسلامی نژاد نے رزمیہ نظمیں پڑھیں اورمرثیہ خوانی کی ۔