100 غیر ملکی زائرین کی شرکت سے حرم مطہر رضوی میں اعتکاف کا پہلا دور

آستان نیوز کے مطابق ادارہ غیر ملکی زائرین کے سربراہ مہدی لسانی نے ہمارے نمائندے سے گفتگو کے دوران کہا کہ اس سال ماہ مبارک رمضان میں پہلی بار غیرملکی زائرین نے حرم مطہر میں اعتکاف انجام دیا اس دوران 100 غیر ملکی زائرین معتکف ہوئے۔  
انہوں نے کہا کہ غیر ملکی زائرین کے لئے اعتکاف کا اہتمام حرم مطہر رضوی میں پہلی بار کیا گیا تھا جس میں پاکستان، افغانستان اور شام جیسے بعض دیگر ملکوں کے 100 زائرین نے حصہ لیا۔
ان کا کہنا تھا کہ ادارہ غیر ملکی زائرین کی درخواست اور آستان قدس رضوی کے متولی کی موافقت کے پیش نظر اعتکاف کے وقت اور جگہ میں توسیع کی گئی اور  اعتکاف کا یہ عمل شعبان میں بھی اور ماہ مبارک رمصان میں بھی انجام پایا ۔   
 انہوں نے اس بات کا ذکرکرتے ہوئے کہ دنیا کے 6 مختلف ملکوں سے تعلق رکھنے والے 100 غیر ملکی زائرین کے لئے حرم مطہر رضوی کی مسجد گوہر شاد میں اعتکاف کا اہتمام پہلی بار کیا گيا کہا کہ اس بار 100 غیرملکی  زائرین کو اعتکاف کی عبادت میں شرکت کا موقع دیا گيا 
ان کا کہنا تھا کہ جن لوگوں نے ماہ رجب کے اعتکاف کے لئے اپنے نام لکھوائے تھے لیکن قرعہ انداز میں ان کے نام نہ آسکے انہیں ماہ مبارک رمضان میں اعتکاف کرنے کا موقع دیا گیا اور یوں 100 غیرملکی زائرین نے پہلی بار حرم مطہر میں اعتکاف کیا ۔  
 مہدی لسانی نے کہا کہ معتکفین کے لئے متعدد مذہبی پروگراموں منجملہ تقریر ، اخلاقی دروس اور منقبت خوانی و مرثیہ خوانی کا بھی اہتمام کیا گيا تھا اور آخر میں انہیں متبرک تحائف بھی دئے گئے جن میں تسبیح اور حرم مطہر کے متبرک پتھر کے ٹکڑے بھی شامل تھے ۔