عشرہ کرامت کے موقع پر پہلی بین الاقوامی’’اذان فاخر رضوی‘‘ تقریب میں شرکت کی دعوت

آستان نیوز کی رپورٹ کے مطابق؛ حرم امام رضا(ع) کےشعبہ دارالقرآن الکریم کے سربراہ جناب محمد مقومی نے تفصیلات بتاتے ہوئے کہا کہ یہ بین الاقوامی تقریب دو اہم محور پر مشتمل ہے جن میں ایک ممتاز مؤذنوں کی شناخت اور انتخاب ہے اور دوسرے نمبر پر حرم امام رضا(ع) کے لئے موزوں اور شایستہ اذان کی ممتاز لحن اور ترم  کو تیار کرنا شامل ہیں۔ 
انہوں نے بتایا کہ یہ تقریب شیعہ اذان کی سربلندی اور بہترین و فاخر رضوی اذان کی ریکارڈنگ کے لئے منعقد کیا جا رہا ہے اس لئے تمام دلچسپی رکھنے والوں، قرآن کریم کی تلاوت کے شعبے میں سرگرم افراد، مذہبی لحن اور ترنم و دھن اور ترانوں کے تخلیق کاروں کو اس بڑے پروگرام میں شرکت کی دعوت دی جاتی ہے۔ 
حرم امام رضا(ع) کے شعبہ دارالقرآن الکریم کے سربراہ نے بتایا کہ اس بین الاقوامی تقریب میں پہلے درجے پر آنے والے فرد کے لئے 20 کروڑ تومان(دو سو ملین تومان)اور دوسرے درجہ پر آنےو الے فرد کے لئے 15 کروڑ تومان(ڈیڑھ سو ملین تومان) اور تیسرے درجے کے لئے دس کروڑ تومان(سو ملین تومان) انعام رکھا گیا ہے ۔ 
واضح رہے کہ ’’گلبانگ حرم‘‘ اذان مقابلے میں شرکت کے خواہشمند افراد کے لئے بائیس جولائی2026 تک آخری موقع ہے ، مزید معلومات حاصل کرنے اور رجسٹریشن کے لئے ویب سائٹ https://haram.razavi.ir/  یا ایتا اپلیکیشن پر  Golbang_Haram@ آئی ڈی پر رابطہ کر سکتے ہیں۔