امام رضا(ع) کی ولادت با سعاد ت کے موقع پر ’’ابناء الرضا(ع)‘‘ کے عنوان سے عالم اسلام کے بچوں کے لئے جشن کا انعقاد

آستان نیوز کی رپورٹ کے مطابق؛ جشن کا یہ خصوصی پروگرام حرم امام رضا(ع) کے ادارہ غیرملکی زائرین کی کاوشوں سے حرم امام رضا(ع) کے رواق دارالرحمہ میں منعقد کیا گیا جس میں اسلامی مماک بشمول شام،عراق، بحرین، پاکستان، افغانستان اور ہندوستان کے نوجوان بچوں نے شرکت کی اور امام رضا(ع) کی ولادت کا جشن منایا ۔
یہاں یہ بات قابل ذکر ہے کہ اس تقریب میں شہداء کی تمثال اور تصویروں کے سامنے جن میں سر فہرست شہید رہبر(رحمت اللہ علیہ) اور میناب اسکول کی شہیدہ بچیوں کی تمثال تھیں ،حاضرین نے پھولوں کے گلدستے پیش کر کے شہداء کو خراج عقیدت پیش کیا۔ 
اس خصوصی جشن میں عرب زبان لڑکوں نے میلاد امام رضا(ع) اور شہدائے مقاومت کے موضوعات پر دیواروں پر پینٹینگ کی اور اس دوران وہ  زیارت، مقاومت اور اقتدار جیسے مفاہیم سے آشنا ہوئے ،واضح رہے کہ تقریب میں منقبت خوانی کے علاوہ مختلف مقابلوں کا بھی انعقاد کیا گیا ۔ 
جشن کی اس تقریب کے دوران عالم اسلام کے نوجوانوں کی طرف سے تین زبانوں بشمول اردو، عربی اور انگریزی میں ایک مشترکہ بیانیہ بھی پڑھ کر سنایا گیا اور آخر میں حاضرین کے درمیان انعامات تقسیم کئے  گئے ، اس کے علاوہ تقریب کے تمام شرکاء کو عیدی کےطور پر مذہبی گفٹ پیک بھی تقسیم کئے گئے ۔