عید غدیر کے دن حرم امام رضا(ع) میں غدیر کے اعمال کی ادائیگی

آستان نیوز کی رپورٹ کے مطابق؛ عید سعید غدیر خم جو کہ امیرالمؤمنین حضرت علی علیہ السلام کاسید المرسلین پیغمبر گرامی اسلامی حضرت محمد مصطفیٰ(ص) کی جانشینی کے منصب پر تقرری کا دن ہے ،اس دن کے حوالے سے خاص اعمال وارد ہوئے ہیں ،جن کی ادائیگی کے لئے حرم امام رضا(ع) میں خصوصی پروگرام کا انعقاد کیا گیا۔ 
حجت الاسلام مہدی شجاع نے اس دوران مفاتیح الجنان میں ذکر کئے گئے اعمال اور عید غدیر کی فضیلت پر روشنی ڈالی اور عید سعید غدیر کے اعمال انجام دئے جانے کے بعد اجتماعی طور پر نماز بیعت پڑھی گئی۔ 
زائرین و مجاورین نے دور سے امیرالمؤمنین حضرت علی علیہ السلام کی     زیارت پڑھ کر اپنی عقیدت و محبت کا اظہار کیا اور حرم امام رضا(ع) میں کھڑے ہو کر امیرالمؤمنین حضرت علی (ع) کی بارگاہ اقدس میں سلام و صلوات کا نذرانہ پیش کیا۔ 
روحانیت سےبھرپور تقریب میں حرم امام رضا(ع) کے زائرین و مجاورین نے مل کر دعائے امام زمانہ(عج) پڑھی اور خداوند متعال کی آخری حجت حضرت حجت بن الحسن العسکری(ع) کے ظہور میں تعجیل کے لئے دعا مانگی۔