رضوی خمیر مایہ(yeast) کمپنی ، 2025 کی صوبائی سطح پر ممتازایکسپورٹرکمپنی کے عنوان سے منتخب

آستان نیوز کی رپورٹ کے مطابق؛ مؤرخہ 10 جون 2026 کوخراسان رضوی کے برتر ایکسپورٹرکی قدر دانی کے لئے مشہد مقدس کے شہدائے سلامت ہال میں تقریب کا انعقاد کیا گیا جس میں صوبائی حکام اور اقتصادی میدان میں فعال افراد نے شرکت کی۔ 
یہ تقریب غیر پٹرولیم برآمدات کے شعبے میں اہم کردار ادا کرنے والوں کو خراج تحسین پیش کرنے کے لئے منعقد کی گئی تھی جس میں خمیر مایہ (yeast) کمپنی کو تیرہویں بار 2025 کا صوبائی سطح پر منتخب برآمد کنندہ قرار دیا گیا اور اس ادارے کے منیجنگ ڈائریکٹر کو اعزازی شیلڈ سے نوازا گیا،واضح رہے کہ یہ کمپنی رضوی فاؤنڈیشن کے ذیلی اداروں میں سے ایک ہے ۔ 
کمپنی کے منیجنگ ڈائریکٹر سید پور نے اس تقریب کے موقع پر ادارے کے ترقیاتی نقطہ نظر کا ذکر کرتے ہوئے کہا کہ تیرہویں مرتبہ اس اعزاز کا ملنا کمنپی کے کارکنوں کی محنت، مصنوعات کے معیار میں مسلسل بہتری اور بین الاقوامی معیارات کو برقرار رکھنے کی کوششوں کا نتیجہ ہے۔ ہم اس ادارے میں برآمداتی صلاحیتوں کو فروغ دینے کے مقصد سے علاقائی ہدف والی منڈیوں میں ایرانی مصنوعات کا حصہ بڑھانے کی کوشش کررہے ہیں۔ 
انہوں نے کہا کہ اس کمپنی نے ہمیشہ برآمداتی منڈیوں کی ترقی اور ملک کے لئے زرمبادلہ کے حصول پر زور دیا ہے اور یہ اعلیٰ اعزاز حاصل کرنا بین الاقوامی منڈیوں میں ایرانی مصنوعات کی پوزیشن مضبوط کرنے کی راہ میں ایک اور قدم ہے۔