شاہراؤں پرواقع امام رضا(ع) کمپلیکس میں شہید رہبرامت(رح) کے سوگواروں کی میزبانی کے لئے وسیع تیاریاں

آستان نیوز کی رپورٹ کے مطابق؛شاہراؤں پر واقع امام رضا(ع) کمپلیکسوں کے ڈائریکٹر جناب صفر زادہ نے بتایا کہ اس سلسلے میں انجام پانے والی منصوبہ بندی کے مطابق زائرین کی آمد کا عروج منگل اور بدھ کو ہوگا اور واپسی جمعہ اور ہفتے کو متوقع ہے تاہم عزاداروں کے کچھ قافلے پہلے سے ہی سفر کا آغاز کر چکے ہیں ،جیسا کہ گذشتہ روز صوبہ کھگیلویہ و بویر احمد سے شہید رہبر کے سوگواروں کا پندرہ بسوں پر مشتمل کاروان شاہراہ پر واقع کمپلیکس پر رکا اور وہاں سے ضیافت و پذیرائی کی خدمات سے مستفید ہوئے ۔ 
ایّام سوگواری کے مطابق ان کمپلیکسز کی فضا آرائی اور تیاری
جناب صفر زادہ نے بتایا کہ شاہراؤں پر واقع تمام کمپلیکسز کو ایّام سوگواری کی طرح تیار کیا گیا ہے ،تعارفی اور تعزیتی بنرز نصب کئے گئے ہیں اور سیاہ پرچم لہرائے گئے ہیں ۔
واضح رہے کہ تمام مذکورہ مراکز میں بنیادی خدمات کی فراہمی کے لیے ضروری انتظامات کر لیے گئے ہیں، جن میں چائے، ہلکا پھلکا ناشتہ اور گرم کھانا، ہنگامی رہائش، بیت الخلا کی سہولیات اور ابتدائی طبی امداد شامل ہیں۔ اس کے علاوہ، “مواکب” (خدماتی کیمپوں) کی پشت پناہی کے لیے مقامی حکام اور امدادی اداروں کے ساتھ بھی ضروری ہم آہنگی کر لی گئی ہے۔