رہبرشہید ( رحمت اللہ علیہ ) کی یاد میں رضوی کتابخانہ اور میوزیمز میں تعزیتی جلسوں اور خصوصی پروگراموں کا انعقاد 

 آستان نیوز کے مطابق حجت الاسلام والمسلمین سید جلال حسینی نے اس سلسلے میں ہمارے نمائندے سے گفتگو کرتے ہوئے کہا کہ استان قدس رضوی کے کتابخانہ، میوزیمز اور آرکائیو کی آرگنائزیشن قائد شہید حضرت ایت اللہ العظمی سید علی خامنہ ای ( رضوان اللہ تعالی علیہ )کو خراج عقیدت پیش کرنے اور ان کے ذریعے رضوی لائبریری اور میوزیمز کو تحفے میں دی گئيں کتابوں اور دیگر قیمتی اشیا اور نوادرات کا تعارف کرانے کے لئے بڑے پیمانے پر علمی اور ثقافتی پروگرام اور تعزیتی جلسے منعقد کرے گی اس دوران ان پروگراموں میں ممتاز مفکرین اور دانشوروں کے خیالات اور رہبرشہید کے بارے میں ان کے نظریات سے بھی استفادہ کیا جائے گا ۔
ان کا کہنا تھا کہ درحقیقت یہ آرگنازئزیشن ان پروگراموں کا انعقاد کرکے کوشش کررہی ہے کہ رہبرشہید (رضوان اللہ تعالی علیہ ) کے نیک اندیشانہ اقدامات کے سنہرے ورق کو جو انہوں نے ملک کی تاریخی اور ثقافتی میراث خاص طور پراسلامی ورثہ کے تحفظ کے طور پرچھوڑا ہے دنیا والوں کے سامنے پیش کیا جائے
  آرگنائزیشن کے جدید آثار کی رونمائی 
استان قدس رضوی کے کتابخانہ، میوزیمز اور آرکائیو کی آرگنائزیشن کے سربراہ نے کہا کہ آستان قدس رضوی کے کتابخانہ اور میوزیمز کو رہبرشہید کی جانب سے جو تحائف بطور ہدیہ دئے گئے ہیں ان سے متعلق ایک خصوصی اور تحقیقی کتاب کی بھی رونمائی ہوگي .
انہوں نے کہا کہ اس دوران شہید سید حسن نصراللہ کی انگوٹھی کا سانچا بھی جو امام زمان عج کے پہلے نائب عثمان بن سعید عمری سے منسوب مہر کے ساتھ ہے اور رہبرشہید نے آستان قدس رضوی کو ہدیہ کیا تھا دکھایا جائے گا، اس انگوٹھی کو خاص احترام اور اہمیت حاصل ہے 
  علمی اور ثقافتی و ھنری نشستیں 
 حجت الاسلام سید جلال حسینی نے کہا کہ ان ایام میں رہبرشہید (رضوان اللہ تعالی علیہ ) کے افکار اور کردار و نظریات کے موضوع  پر جن میں خاص طور پرمیراث کی حفاظت اور آستان قدس رضوی کے ثقافتی امور کی توسیع  پر آپ نے تاکید فرمائي تھی ملک کے محققین اور دانشور اپنے خیالات کا اظہار کریں گے ۔
ان کا کہنا تھا کہ ان پروگراموں کے دوران پیٹنگ اور کتابخوانی  نیز جنگ رمضان کے شہدا کی داستانوں اور قصہ گوئي جیسے دیگر مقابلے میں بھی کرائے جائيں گے جبکہ خوشنویسی کی ورکشاپ کا بھی اہتمام کیا گيا ہے اور رہبرشہید و قائد امت سے متعلق کتابوں اور جرائد کی نمائش بھی لگائي جائے گي ۔
جدید اور ڈيجیٹل صلاحیتوں سے استفادہ 
استان قدس رضوی کے کتابخانہ، میوزیمز اور آرکائیو کی آرگنائزیشن کے سربراہ نے کہا کہ یہ آرگنائزیشن ان پروگراموں اور تعزیتی جلسوں کے دوران جدید اور ڈیجیٹل توانائيوں سے بھی استفادہ کررہی ہے ان کا کہنا تھا کہ ڈیجیٹل شعبے میں  آستان قدس رضوی کے میوزیمز کو رہبرشہید کے ذریعے بطور ہدیہ دئے گئے تحائف کے یونٹ کی آن لائن نمائش کی جانب اشارہ کیا جاسکتا ہے ۔
سید جلال حسینی کا کہنا تھا کہ شہید قائد امت ( رضوان اللہ تعالی علیہ ) کے موضوع پر متن ، صوت اور تصویر پر مبنی سوشل میڈیا میں مواد بھی تیار کیا گيا ہے جو  رہبرشہید کے پیکر مطہر کی تشییع جنازہ کے ایام  سے لے کر ان کے چہلم تک  نشرکیا جاتا رہے گا   ۔