رہبرشہید کے وداع کے ا یام میں حرم مطہر رضوی بند نہيں ہوگا 

آستان نیوز کے مطابق آ‎ستان قدس رضوی  میں جو منصوبہ بندی کی گئي ہے وہ اس اصول پر استوار ہے کہ رہبرشہید کی پرشکوہ تشییع جنازہ اور تدفین کے ساتھ ساتھ حرم امام رضا علیہ السلام میں زائرین کی حاضری کا عمل ایک لمحے کے لئے بھی تعطل کا شکار نہ ہو اور اسی بنیاد پرتشییع جنازہ اور تدفین کے ایام میں امام رضا علیہ السلام کے حرم کے سبھی صحن معمول کے مطابق اور کسی بندش یا رکاوٹ کے بغیر زائرین اور مجاورین کے لئے کھلے رہیں گے 
 صرف حرم کے مرکزی حصے میں آمد و رفت کے راستے میں تبدیلی 
رہبرشہید کی تشییع جنازہ کے ایام میں جو منصوبہ بندی کی گئي ہے اس کے مطابق آمد و رفت کے راستے میں تبدیلی اور بندش صرف مرکزی رواقوں اور صحنوں میں کی گئي ہے اس کا مقصد یہ ہے کہ تدفین کی رسومات کے لئے مقررکی گئی جگہ اور اس کے آس پاس کے علاقے خالی رہیں تاکہ تدفین کا عمل آسانی سے انجام پاسکے۔ تدفین کے مقام اور آس پاس کی جگہوں کی طرف آمد و رفت پر بندش بدھ کی سہ پہر سے شروع ہوکر تدفین کا عمل مکمل ہونے تک جاری رہے گی تاکہ اس مقام پر تدفین کے وقت نظم وضبط کو یقینی بنایا جاسکے اور اطمینان کے ساتھ رہبرشہید کے پیکر مطہر کی تدفین کا عمل انجام پائے اور جیسے ہی تدفین مکمل ہوگی حرم کے ان مقامات کو بھی زائرین کی آمد و رفت کے لئے کھول دیا جائے گا ۔.
خدام کے ساتھ تعاون کے لئے زائرین سے درخواست 
  حضرت امام رضا علیہ السلام کے حرم مطہر کے شعبہ اماکن متبرکہ نے اس سلسلے میں زائرین محترم سے درخواست کی ہے کہ وہ رہبرشہید کی تاریخی تشییع جنازہ اور تدفین کے عمل کوبہتر سے بہتر انداز میں مکمل کرنے کے لئے حرم مطہر کے خدام اور اعزازی خادموں کے ساتھ تعاون کریں
 اور ساتھ ہی یہ بھی درخواست ہے کہ زائرین محترم حرم کے اندر آمد و رفت کے راستے میں مذکورہ
 تبدیلی کے پیش نظر ضریح کی زیارت کے لئے دیگر صحنوں اور رواقوں کا استعمال کریں تاکہ ان ایام میں زیارت کا سلسلہ پورے نظم وضبط کے ساتھ جاری رہے ۔