آستان قدس رضوی کے متولی کی جانب سے جنرل محسن رضائی کو قومی سلامتی کی اعلیٰ کونسل کے سیکریٹری مقرر ہونے پر مبارکبادی کا پیغام

آستان نیوز کی رپورٹ کے مطابق؛ آیت اللہ احمد مروی کے پیغام کا متن درج ذیل ہے :
باسمہ تعالیٰ
جناب ڈاکٹر محسن رضائی صاحب
حضرت عالی کی اس حساس دور میں رہبر معظم انقلاب اسلامی کے نمائندے اور قومی سلامتی کی اعلیٰ کونسل کے سیکریٹری کے طور پر تقرری آپ کے گرانقدر تجربات، قابلیت، توانائي اور اسٹریٹجک نگاہ کی عکاس ہے ، جس پر مبارک باد پیش کرتا ہوں ۔
بلاشبہہ رہبر معظم انقلاب اسلامی کا اس اہم ذمہ داری میں آپ پر اعتماد، جو دفاعی، انتظامی اور اسٹریٹجک شعبوں میں برسوں کی جدوجہد اور تجربے کا نتیجہ ہے، قومی یکجہتی کو مضبوط بنانے، ملک کے مفادات اور مصالح کے تحفظ اور اسلامی جمہوریہ ایران کے مقدس نظام کے بلند مقاصد اور اعلی اہداف کے حصول میں برکات کا باعث بن سکتا ہے۔
میں حضرت ثامن الحجج علی بن موسی الرضا (ع) کی ملکوتی بارگاہ کے جوار میں، خداوند متعال سے آپ کے لئے اس اہم ذمہ داری کی انجام دہی میں اور کامیابی کے لئے دعاگو ہوں اور امیدکرتا ہوں کہ رہبر معظم انقلاب اسلامی کی حکیمانہ ہدایات کی روشنی میں، ہم ایرانِ اسلامی کی عزت و اقتدار اور قومی یکجہتی و وفاق میں استحکام اور اضافے کامشاہدہ کریں گے۔
احمد مروی
متولی آستان قدس رضوی