ولی فقیہ کے نمائندے نے زیارتی مقامات کی توسیع و بہبود کے عمل کو سراہا

آستان نیوز کی رپورٹ کے مطابق؛ آیت اللہ سید احمد علم الہدیٰ نے حرم امام رضا(ع) کے ادارہ تعمیرات و نگہداشت کے سربراہ ڈاکٹر خلیل کاظمی سے نمائندہ ولی فقیہ کے دفتر میں ملاقات کے دوران گفتگو کرتے ہوئے کہا کہ حالیہ عرصے میں حرم امام رضا(ع) کے زیارتی مقامات اور خدماتی و فلاحی بنیادی ڈھانچے کی توسیع و بہبود کے حوالے سے اچھے اقدامات کئے گئے ہیں ۔
انہوں نے حرم مطہر رضوی کے زائرین کے لیے پارکینگ اور رہائش کے مسائل کے حل کے حوالے سے امید کا اظہار کرتے کہا کہ انشاء اللہ آپ کی محنتوں اور خدمات کو امام ہشتم (ع) کی خاص توجہ حاصل ہوگی۔ وہ حضرت اپنے زائرین اور مہمانوں کے بارے میں خصوصی توجہ رکھتے ہیں، لہٰذا آپ اس سلسلے میں جو بھی اقدام کریں گے، وہ امام رضا (ع) کی خوشنودی کا باعث بنے گا۔
اس ملاقات میں ڈاکٹر کاظمی نے زیارتی مقامات کی توسیع و بہبود کے لیے جاری اقدامات بشمول رواق امام حسین (ع) اور رواق امیرالمومنین (ع) کے میگا پراجیکٹس کے بارے میں ایک رپورٹ بھی پیش کی۔