مہران بارڈر؛چہلم امام حسین(ع) پر آنے والے زائرین کے لئے حرم امام رضا(ع) کا خدمتی مرکز

کرامت رضوی فاؤنڈیشن کی اربعین کمیٹی کے سیکرٹری  نے مہران بارڈر پر زائرین کو دی جانے والی خدمات پر روشنی ڈالتے ہوئے کہا کہ آستان قدس رضوی کا مرکزی کچن اسی بارڈر پر واقع ہے ایک عظیم الشان کچن جو صنعتی سہولیات سے لیس ہے اور روزانہ کی بنیاد پر 35 ہزار سے زائد گرم کھانے زائرین کے درمیان تقسیم کرتا ہے ۔ 
مہران پر واقع موکب امام رضا(ع) محض ایک لنگر خانہ نہیں ہے 
مہران بارڈر پر خدمت کرنے والے رضوی خادمین کا تعلق قزوین،البرز،صوبہ خراسان رضوی، لرستان اور مازندران جیسے صوبوں سے ہے ، اس موکب پر ٹھنڈے شربت،پھل ،چائے اور مختلف مشروبات پلانے کے علاوہ زائرین کے جوتوں کی پالش اور طبی علاج و معالجہ بھی شامل ہے ۔ 
زائرین کے لئے ایسا روحانی ماحول فراہم ہے کہ زائرین سرحد پار کرنے سے پہلے محسوس کرتے ہیں کہ و حرم امام رضا(ع) کے صحن سے گزر رہے ہیں ،خادمین نے حرم کا مخصوص لباس پہن رکھا ہے سیاہ شالیں گردن میں اور یاحسینؑ کے نام کی پٹیاں ماتھوں پر بندھی خاک آلود چہروں کے ساتھ تپتی دھوپ میں زائرین کی خدمت کرتے نظر آتے ہیں ،یہ سب عشق امام حسین(ع) ہے ۔
جناب میرزادہ نے بتایاکہ اس موکب میں خصوصی طبی ٹیمیں بھی تعینات کی گئی ہیں ،ڈاکٹرز،نرسز اور ایمرجنسی میڈیکل اسٹاف بھی اپنے مکمل طبی ساز و سامان کے ساتھ رضاکارانہ طور پر طبی خدمات فراہم کر رہے ہیں ،یعنی عراق میں داخل ہونے سے پہلے زائرین کی صحت کو یقینی بنایا جاتا ہے ۔ 
دیگر راستوں اور خدمات پر ایک مختصر نظر
حرم امام رضا (ع) کے خادمین اربعین کے مختلف راستوں زائرین کی خدمت میں مصروف ہیں ،یہ خادمین زائرین کو اپنی ذاتی گاڑیوں کے ذریعہ ریلوے اسٹیشن اور اہواز شہر کے ٹرمینلز سے سرحدی مقامات تک پہنچا رہے ہیں،اور اس کے علاوہ ملایر،اراک اور ہمدان میں لگائے جانے والے موکبوں پر زائرین کے لئے رہائش، طعام اور دیگر متنوع خدمات کا اہتمام ہے ۔ 
شلمچہ بارڈر پر بچوں کے لئے علیحدہ سے ایک حسینیہ بنایا گیا ہے جہاں پر بچوں کو پینٹنگ ،کہانیوں اور قصوں کے ذریعہ قرآن کریم کی تعلیم دی جاتی ہے ، اس کے علاوہ ’’عشاق الحسینؑ‘‘ گروپ کے تعاون سے شلمچہ بارڈر پر موکب امام رضا(ع) میں زائرین کے لئے قیام و طعام کا بھی مناسب انتظام ہے  ۔