حضرت فاطمہ زہراء(س)

سیدہ،طاہرہ حضرت فاطمہ زہراء(س) کے ایّام ولادت با سعادت کی مناسبت سے حرم امام رضا(ع) کو رنگ برنگے پرچموں اور بنرز سے سجایا گیا جس سے پورے حرم میں خوشیوں کا سماں بندھ گیا۔

یوم شہادت شہزادی کائنات حضرت فاطمہ زہراء سلام اللہ علیہا کی مناسبت سے حرم امام رضا(ع) کو سوگ کی علامت کے طور پر سیاہ پوش کیا گیا اور حرم مطہر کے مختلف صحنوں اور رواقوں(ہالز) میں مجالس و ماتم داری کا بھی انعقاد کیا گیا، مجلس عزاء کا مرکزی پروگرام  حرم امام رضا(ع) کے رواق امام خمینی(رہ) میں منعقد کیا گیا جس میں صوبہ خراسان رضوی میں تعینات ولی فقیہ کے نمائندے آیت اللہ سید علم الہدیٰ نے خطاب فرمایا، اس کےعلاوہ حرم امام رضا(ع) کے متولی کی جانب سے مدرسہ دو درب میں بھی مجلس عزاء منعقد کی گئی ،خادمین حرم امام رضا(ع) کی انجمن عالم آل محمد(ص) کی جانب سے باب الکاظم (ع) سے مسجد گوہر شاد تک ماتم داری اور عزاداری کا اہتمام کیا گیا۔

شب شہادت شہزادی کونین حضرت فاطمہ زہراء(س) کی مناسبت سے حرم امام رضا(ع) میں اردو زبان خواتین کے لئے مجلس عزاء کا انعقاد کیا گیا جس میں اردو زبان خواتین نے حضرت فاطمہ(س) کے سوگ میں اشک بہائے اور گریہ کیا۔