شہزادی کونین حضرت فاطمہ زہراء(س) کے یوم ولادت کی مناسبت سے حرم امام رضا(ع) میں خوشیوں کا سماں

آستان نیوز کی رپورٹ کے مطابق؛ حرم امام رضا(ع) کو سجانے والے ادارے کے ڈائریکٹر سید جواد موسوی نے اس سلسلے میں گفتگو کرتے ہوئے کہا کہا کہ یوم ولادت سے ایک دن پہلے حرم امام رضا(ع) کو سجانا شروع کر دیا گیا۔ 
انہوں نے مزید یہ بتایا کہ اس موقع پر سینکڑوں کتبے ،پرچم اور حضرت زہراء(س) سے مبارک نام سے مزیّن بنرز کو حرم امام رضا(ع) کے مختلف صحنوں میں نصب کیا گیا جس سے حرم مطہر کی روحانی فضا نہایت شاندار دکھنے لگ گئے ۔ 
گفتگو کو جاری رکھتے ہوئے کہا کہ دو بڑے بنرز صحن انقلاب اسلامی اور صحن آزادی کے ایوانوں پر نصب کئے گئے جن کے اوپر ’’فاطمہ یعنی جمال بی مثال کبریا‘‘(فاطمہ(س) کبریا کا بے مثال جمال) اور ’’فاطمہ یعنی حجاب و عصمت و تقوای دین‘‘(فاطمہ دین کا تقویٰ اور عصمت کا حجاب‘‘ تحریر تھا۔ 
انہوں نے بتایا کہ خوشی کے اس موقع پر چودہ کتبے صحن انقلاب اسلامی میں ، سولہ کتبے صحن آزادی میں ،دس کتبے صحن جمہوری اسلامی اور دس کتبے صحن مسجد گوہر شاد میں آویزاں کئے گئے ۔ 
انہوں نے مزید یہ بتایا کہ حرم مطہر کے سب سے بڑے صحن یعنی صحن پیامبر اعظم(ص) میں ایک سو میٹر پر مشتمل دیوار پینٹنگ اور ساٹھ سے زیادہ پرچم نصب کئے گئے ۔ 
حرم امام رضا(ع) میں پھولوں کی سجاوٹ کرنے والے ماہر جناب حمید رضا سلیمی نے بتایا کہ خوشی کے اس موقع پر تیس ہزار سے زائد پھولوں کی ٹہنیوں سے حرم مطہر کو سجایا گیا۔ 
انہوں نے بتایا کہ یہ پھول مختلف قسم کے تھے جنہیں حرم مطہر کے مختلف صحنوں اور رواقوں(ہالز) میں سجایا گیا۔
واضح رہے کہ ان پھولوں کو امام رضا(ع) کے عقیدت مندوں کی جانب سے حرم امام رضا(ع) کے لئے ہدیہ کیا گیا تھا،ان پھولوں کی تزئین سے حرم امام رضا(ع) میں خوشیوں کا سماں چھا گیا۔