حضرت امام علی رضا(ع) کی امامت کے مرکزی کردار کو بیان کرنے کے لئے علمی منابع سے استفادہ کرنے کی ضرورت ہے ؛ آیت اللہ فاضل لنکرانی

آستان نیوز کی رپورٹ کے مطابق؛ چھٹی عالمی کانگریس حضرت رضا(ع) کے دفترِ قم کے کچھ ممبران کا فقہی مرکز آئمہ اطہار (ع) کے سربراہ اوردرس خارج فقہ و اصول کے استاد آیت اللہ جواد فاضل لنکرانی کے ساتھ ایک اجلاس منعقد ہوا جس کا مقصد عالمی کانگریس حضرت رضا(ع) کے پروگراموں کی تفصیلات بیان کرنا تھا ۔ 
آیت اللہ فاضل لنکرانی نے اس اجلاس کے دوران دانشورانہ حلقوں میں اس عالمی کانگریس کے شروع کرنے کی اہمیت پر زور دیتے ہوئے کہا کہ ایسی کانفرنسوں کو حوزہ علمیہ میں تسلسل کے ساتھ منعقد کیا جانا اور ایسے موضوعات پر کام کرنا چاہئے جن پر اب تک اتنی توجہ نہیں دی گئی۔ 
انہوں نے آٹھویں امام کی گفتار اور فرامین کی اہمیت پر روشنی ڈالتے ہوئے حضرت رضا(ع) کی امامت کے مرکزی کردار کو بیان کرنے کو ایک بنیادی ضرورت قرار دیتے ہوئے کہا کہ امام رضا(ع) کی امامت کو تسلیم کرنے کا لازمہ یہ ہے کہ تمام آئمہ(ع) کی امامت کو تسلیم کیا جائے ،اس موضوع پر بہت زیادہ کام ہو سکتا ہے اور اس کے لئے علمی منابع کے استخراج اور بیان کی ضرورت ہے ۔ 
فقہی مرکز آئمہ اطہار(ع) کے سربراہ نے  آيت اللہ جواد فاضل لنکرانی نے عالمی کانگریس کے چوتھے محور کو جس کا عنوان’’سیاست، عدالت اور حکمرانی‘‘ ہے  خاص اہمیت کا حامل قرار دیا اور کہا کہ اس موضوع پر تحقیقی کام کرنے کی زیادہ ضرورت ہے خصوصاً حکمرانی کرنے کے طریقوں پر اور میں بھی اگر توفیق ہوئی تو اس موضوع پر تحقیقی مطالب عالمی کانگریس کے لئے تیار کر کے ارسال کروں گا۔ 
آیت اللہ فاضل لنکرانی نے اپنی گفتگو کے دورے حصے میں عالمی کانگریس کو بہتر بنانے کے لئے چند  تجاویز  اورسفارشات بھی پیش کیں اور کہا کہ عالمی کانگریس تکرار سے گریز کرے اور نئے اعتراضات کی شناخت کر کے ان کا عالمانہ جواب دے  ۔ 
آج انسانی کرامت کے نام پر تمام فقہی احکامات میں مسلم اور غیرمسلم کے درمیان مطلق برابری جیسے شبہات یا معصومین(ع) کی روایات ان کے زمانے تک منحصر ہونے کے دعوے کئے جارہے ہیں جن کا جواب دینا ضروری ہے ۔ 
انہوں نے   مہدویت سے متعلق اعتراضات کا امام رضاعلیہ کے نقطہ نظر سے جواب دینے کو تحقیق کے لئے ایک مستقل موضوع قرار دیتے ہوئے حوزہ علمیہ کی مکمل صلاحیتوں اورتوانائیوں سے استفادہ کرنے کی ضرورت پر زور دیا۔ 
اجلاس کے آغاز میں عالمی کانگریس حضرت رضا(ع) کے دفترِ قم  کے سیکرٹری   ڈاکٹر خراسانی نے عالمی کانگریس کے پچھلے  ادوار کے انعقاد سے متعلق ایک رپورٹ پیش کی اور اس چھٹی عالمی کانگریس کے انعقاد سے متعلق تفصیلات بیان کیں۔ 
واضح رہے کہ چھٹی عالمی کانگریس حضرت رضا(ع) کا موضوع’’اہلبیت(ع) کی تہذیبی تعلیمات میں انسانی کرامت اور حقوق‘‘ ہے ،یہ کانگریس عشرہ کرامت کے ایّام میں منعقد کی جائے گی۔