حرم مطہر رضوی کے کتیبوں اور بینروں پر نقش آل محمد (ص)

 آ‎ستان نیوز کے مطابق آسمان امامت و ولایت کے چھٹے اختر تابناک حضرت امام جعفر صادق علیہ السلام کے ایام شہادت و سوگواری کے موقع پرحرم مطہر رضوی کے خدام نے حسب دستور قدیم حرم کے مختلف مقدس مقامات کو سیاہ پوش کردیا تاکہ زائرین اور مجاورین غم و اندوہ کی اس فضا میں ان ایام کی مخصوص عزاداری اور سوگواری کو ایک خاص ماحول میں برپا کرسکیں ۔
حرم مطہر کے گنبد پر پرچم عزا نصب کئے جانے کے ساتھ ہی امام صادق  علیہ السلام کی شہادت کی مناسبت سے حرم کے سبھی صحنوں میں کتیبے  اور سیاہ بینرزبھی نصب کئے گئے ۔

 ان کتیبوں نے جن پر شیعوں کے چھٹے امام کی علمی منزلت و مرتبے اور ان کے منصب امامت سے متعلق مضامین اورشہادت کے تعلق سے مصائب کے جملے مکتوب اورچھپے ہوئے ہیں پورے حرم کے ماحول اور فضا کو اس عظیم مصیبت وشہادت کے موقع سوگ و عزا میں تبدیل کردیا ہے   ۔
حرم کے صحن انقلاب اسلامی میں نصب ایک کتیبہ پر، معانی ومفاہیم سے پرعبارت (( ہم پیروان صادق آل محمد ہیں کبھی بھی دشمن کے  پرچم تلے نہيں جائيں گے )) بے ساختہ سب کی نگاہوں کے سامنے آتی ہے ۔ یہ وہ نعرہ ہے پوری تاریخ میں امام صادق علیہ السلام کے مکتب کے پیروؤں کی ثابت قدمی ، بصیرت اور استقامت کی یاد دلاتا ہے ۔
 صحن آزادی میں نصب کتیبہ پر یہ عبارت (( ہزار قبیلے آئے اور ہزار مکتب گئے لیکن شیعہ باقی ہے جس کے پاس قال الام صادق ہے )) درج ہے ۔
 یہ وہ عبارت ہے جو اصل اسلام کی تعلیمات کی حفاظت  و ترویج اور تشیع کے راستے کو باقی رکھنے میں اس امام ھمام کے جاودانی کارنامے کو روز بروز نمایاں کرتی ہے 
 یہاں یہ بات قابل ذکرہے کہ امام صادق علیہ السلام کی شہادت کی مناسبت سے مجالس اور عزاداری کے خصوصی پرگرام امام رضا علیہ السلام کے حرم کے مختلف صحنوں اور رواقوں میں جاری ہیں ۔