حضرت امام علی رضا(ع) کے روضہ منورہ کی صفائی

آستان نیوز کی رپورٹ کے مطابق؛ آج بوقت صبح حضرت امام علی بن موسیٰ الرضا علیہ السلام کے روضہ منورہ کی صفائی کی تقریب منعقد کی گئی جس میں آستان قدس رضوی کے متولی آیت اللہ احمد مروی، صوبہ خراسان رضوی میں ولی فقیہ کے نمائندے اور مشہد مقدس کے امام جمعہ آیت اللہ سید احمد علم الہدیٰ،حرم امام رضا(ع) کے خادمین،بارہ روز جنگ کے شہداء خاندان،علمی اولمپیک مقابلوں کے منتخب شدگان اور آرٹ و ثقافت سے تعلق رکھنے والے چند ایک افراد نے شرکت فرمائی۔ 
تقریب کے دوران قاریان قرآن نے خوبصورت تلاوت اور اہلبیت(ع) کی مدح و ثنا کر کے تقریب کو خاص روحانیت و معنویت بخشی،تقریب کے دوران حضرت امام علی رضا علیہ السلام کے روضہ منورہ کا دروازہ کھولا گیا اور اسے خالص عرق گلاب سے دھویا گیا۔ 
واضح رہے  کہ صفائی ستھرائی کی اس تقریب کے دوران  زیارت جامعہ کبیرہ، زیارت امین اللہ اور اہلبیت(ع) کے فضائل و مصائب پڑھے گئے ۔