مشہد مقدس میں واقع انسان شناسی میوزیم(حمام مہدی قلی بیک)دوبارہ کھول دیا گیا

آستان نیوز کی رپورٹ کے مطابق؛ جناب مہدی قیصری نیک نے تفصیلات بتاتے ہوئے کہا کہ تیسری  مسلط کردہ جنگ کے آغاز اور امت اسلام کے رہبر حضرت آیت اللہ العظمیٰ خامنہ ای(رضوان اللہ تعالیٰ علیہ) کی مظلومانہ شہادت کے پیش نظر آستان قدس رضوی کے تمام میوزیم  اورعجائب گھر ملک کے دیگر عجائب گھروں کی طرح بند کر دیئے گئے تھے۔ 
انہوں نے بتایا کہ مؤرخہ 18 اپریل2026 بروزہفتہ کوعشرہ کرامت کی مناسبت سے اس میوزیم کو دوبارہ کھولا گیا ہے ۔ 
جناب قیصری نیک نے بتایا کہ آستان قدس رضوی کے مردم شناسی یا انسان شناسی میوزیم کا 2006 میں حمام مہدی قلی بیک کے مقام پر جو صفوی دور سے متعلق ایک قدیمی عمارت تھی ایک خصوصی عجائب گھر کے عنوان سے افتتاح کیا گیا ،یہ عمارت جو کہ چار صدیوں سے بھی پرانا حمام تھا اس کی تعمیر صفوی شاہ عباس کے میر آخور(شاہی اصطبل کے انچارج)مہدی قلی بیک کے حکم سے 1027 ہجری قمری میں کی گئی اور اس حمام کو حرم امام رضا(ع) کے زائرین و مجاورین کے لئے وقف کیا گیا۔ 
واضح رہے کہ آستان قدس رضوی کا مردم شناسی یا انسان شناسی میوزیم جمعرات اور جمعہ کے علاوہ ہر روز صبح آٹھ بجے سے شام چھے بجے تک کھلا رہتا ہے ۔
قابل ذکر ہے کہ یہ میوزیم حرم امام رضا(ع) کے جوار میں باب الہادی کے قریب واقع ہے ۔