رہبر معظم سے وابستہ ادارے اور آستان قدس رضوی کے مابین فیملی زیارت کے موضوع پر آٹھ  مفاہمتی معاہدوں پر دستخط

حجت الاسلام والمسلمین ایمانی مقدم نے آستان قدس رضوی کے ساتھ جاری تعاون کا ذکر کرتے ہوئے کہا کہ آستان قدس رضوی کے ساتھ ہونےو الی ملاقات میں اب تک آٹھ مفاہمتی معاہدوں پر دستخط ہوئے ۔ 
انہوں نے ان معاہدوں میں سے ایک اہم معاہدے یعنی گھروالوں کے ساتھ اجتماعی زیارت کا ذکر کرتے ہوئے کہا کہ یہ فیملی زیارت کا پروگرام ہے جسے زیارت اجتماعی کے موضوع پر اور منظم طریقے سے انجام دیا جائے گا اور اس معاہدے کے تحت کوشش کی جائے گی کہ علمی فضا اور حرم کے روحانی ماحول کے مابین تعلق کو مزید مضبوط بنایا جائے ۔ 
حجت الاسلام والمسلمین ایمانی مقدم نے آستان قدس رضوی کی منصوبہ بندی کا شکریہ ادا کرتے ہوئے کہا کہ ہم اس بہترین معاہدے پر تہہ دل سے شکریہ ادا کرتے ہیں اورامید کرتے ہیں ان اچھے اور نیک کاموں کے روحانی اور نفسیاتی اثرات ہمیشہ جاری و ساری رہیں گے اور اساتذہ،گھرانوں اور علمی معاشرے کی روحانی تقویت میں موثر ثابت ہوں ۔