موبائل کتاب لائبریری کی جانب سے پانچ ملکی اور غیرملکی مراکز کو 12 ہزار کتب ہدیہ کی گئیں

آستان نیوز کی رپورٹ کےمطابق؛ آرگنائزیشن آف لائبریری،میوزیمزاورآستان قدس رضوی کے دستاویزاتی مرکز کے سربراہ حجت الاسلام والمسلمین سید جلال حسینی نے اس سلسلے میں ہمارے نیوز رپورٹر سے گفتگو کرتے ہوئے کہا کہ یہ اقدام متعلقہ اداروں کی درخواست کی نوعیت کے پیش نظر رواں سال اپریل میں اور انجام دیا گيا اور کتب روانہ کی گئیں۔ 
انہوں نے ان مراکز کا تعارف کراتے ہوئے کہا کہ  کتابوں ک پانچ ہزار نسخے  اصفہان کی فریدن کی عوامی لائبریر کی تنظیم کو،دو ہزار پچاس کتب کاشان کے قمصر کی مسجد خاتم الانبیاء(ص) کو اور دو ہزار کتابوں نسخے  توس کے قرآنی انسٹیٹیوٹ فدک سبز کو فراہم کی گئیں۔ 
حجت الاسلام والمسلمین حسینی نے حضرت رضا(ع) کی ولادت کے ایّام میں رضوی مڈیسن سروسزانسٹیٹٰوٹ کو دی جانے والی دو ہزار کتب کا ذکر کرتے ہوئے کہا کہ اس کے علاوہ افغانستان کے صوبہ سمنگان کو بھی ایک ہزار کتب ہدیہ کی گئیں۔ 
انہوں نے بتایا کہ ان کتب کے علاوہ میناب اسکول کے شہداء کی یاد میں ملک کے پسماندہ علاقوں کے 168 اسکولز کو بھی کتب فراہم کرناشروع کر دی گئی ہیں۔ 
حجت الاسلام حسینی نے کہا کہ ان بابرکت ایّام میں معذوروں،ریٹائرڈ افراد اور تین بچوں کی ماؤں کی رکنیت کے مراحل بھی مکمل کئے گئے تاکہ وہ بھی اس موبائل لائبریری کی خدمات سے مستفید ہو سکیں۔ 
کتب ہدیہ کرنے کے اہداف و مقاصد
حجت الاسلام حسینی نے بتایا کہ یہ آرگنائزیشن ثقافتی عدل و انصاف کو فروغ دینے،علم میں اضافے،مطالعہ کے کلچر کو فروغ دینے اور ملک کی علمی و ثقافتی سرگرمیوں کو مزید مستحکم بنانے کے مقصد سے موبائل اور ٹیلی فونی لائبریری کی صلاحیتوں سے فائدہ اٹھاتے ہوئے مختلف مراکز کو کتب ہدیہ کرتی ہے  ۔ 
انہوں نے اس بات کی طرف بھی توجہ دلائی کہ جو بھی  مساجد، لائبریریز،ثقافتی مراکز،تعلیمی و تحقیقی مراکز یا وہ مراکز جو کتب کی ضرورت محسوس کرتے ہیں آستان قدس رضوی کی موبائل لائبریری سے کتاب کی درخواست کر سکتے ہیں۔