امام رضا(ع) انٹرنیشنل یونیورسٹی کے تربیتِ دینی ریسرچ سینٹر کی عمارت کا افتتاح

آستان نیوز کی رپورٹ کے مطابق؛ امام رضا (ع )انٹرنیشنل یونیورسٹی کے وائس چانسلر ڈاکٹر ابراہیم دانشی فر نے تقریب کے دوران خطاب کیا اور حضرت امام علی رضا(ع) کی ولادت با سعادت کی مناسبت سے مبارک باد پیش کی اور اس ریسرچ سینٹرکے قیام کے حوالے گفتگو کرتے ہوئے کہا کہ اس مرکز کا قیام علمی و ثقافتی ضرورت کو مدّ نظر رکھتےہوئے کیا گیا، اس میں تحقیقات کو عملی شکل دینے کی کوشش کی جائے گی۔ 
ان کا کہنا تھا کہ ہمیں صرف بنیادی تحقیقات پر اکتفا نہیں کرنا چاہئے بلکہ علمی نتائج کو ہدف کے ساتھ عملی صورت دینی چاہئے اور خصوصاً بچوں اور نوجوانوں کے لئے کتاب، انیمیشن،کمپیوٹرگیمز وغیرہ کی صورت میں علمی نتائج پیش کرنے چاہئیں   ۔ 
امام رضا (ع )انٹرنیشنل یونیورسٹی کے وائس چانسلر نے کہا کہ یونیورسٹی کا مشن فقط کلاسیک ایجوکیشن اور بنیادی تحقیق تک محدود نہیں ہے  اس لئے امام رضا(ع) یونیورسٹی کوعلمی مقام کے ساتھ ساتھ عملی میدان میں داخل ہوکر قومی ضروریات کو دینی میدان میں پوری کرنی چاہئے۔
انہوں نے شہید آیت اللہ رئیسی(رح) کوخراج عقیدت پیش  کرتے ہوئے کہا کہ یہ پروجیکٹ ان کی کاوشوں کا اثر ہے جو گذشتہ برسوں میں شروع ہوا اور آج پایہ تکمیل کو پہنچا۔ 
ڈاکٹر دانشی فر نے علمی حلقے اور محققین کے مابین باہمی تعاون کی ضرورت پر زور دیتے ہوئے کہا کہ اگر باہمی اعتماد، تعاون اور حمایت کے ساتھ سب اکھٹے ہوئے جائیں تو اس مرکز کی صلاحیت سے علمی منصوبوں، عملی مقالوں اور ثقافتی و تعلیمی مصنوعات کی تیاری کے لئے فائدہ اٹھایا جا سکتا ہے ،اور اہم اقدام یہ ہےکہ علمی افکار کو ایسے نتائج میں تبدیل کیا جائے جو مخاطبین کی حقیقی زندگیوں میں مؤثر ثابت ہوں۔ 
اس پروگرام کے دوران دینی ٹریننگ ریسرچ سینٹر کے ڈائریکٹر ڈاکٹر فیروزی نے اس مرکز کے قیام پر روشنی ڈالتے ہوئے کہا کہ یہ مرکز دینی تعلیم میں عملی تحقیقات پر توجہ مرکوز کرنے کے مقصد سے تشکیل پایا ہے اس لئے تحقیقی منصوبوں، مقالات اور علمی و ثقافتی پروڈکشن کے اہم مرکز بن سکتا ہے اور امام رضا(ع) بین الاقوامی کانگریس و عصری علوم کے سیکریٹریٹ،علمی جریدہ اور شہید امام خامنہ ای(رح) کے علمی و جامع درسی سیکریٹریٹ کے ساتھ مل کر دینی مسائل سے متعلق تمام جہتوں میں تحقیقات انجام دینے میں اہم کردار ادا کر سکتا ہے ۔ 
یہاں یہ بات قابل ذکر ہے کہ تحقیقاتی مرکز مختلف حصوں پر مشتمل ہے جن میں بچوں، نوجوانوں  اورخاندانوں کے مطالعاتی شعبہ جات قائم ہیں ۔