حرم امام رضا(ع) میں غیرملکی زائرین کے لئے ’’اذن عزا‘‘ کے عنوان سے خصوصی پروگرام کا انعقاد

آستان نیوز کی رپورٹ کے مطابق ؛ جناب مہدی لسانی نے ماہ محرم الحرام کے آغاز کی مناسبت سے تعزیت پیش کرتے ہوئے کہا کہ ہر سال محرم الحرام کے آغاز کے ساتھ ہی حرم امام رضا(ع) کی فضا سوگوار ہو جاتی ہے ، حرم میں عزاداری اور ماتم داری کے پروگرام منعقد کئے جاتے ہیں،جن کا باقاعدہ آغاز ’’اذن عزاء‘‘ کے پروگرام کے ساتھ ہوتا ہے جس میں حرم امام رضا(ع) کے گنبد منور پر سیاہ پرچم لہرایا جاتا ہے ۔ 
انہوں نے بتایا کہ عرب زبان زائرین کے لئے شب اول نماز مغربین کے بعد ’’اذن عزا‘‘ کے روایتی پروگرام منعقد کئے گئے جن میں زیارت آمین اللہ کی تلاوت کے ساتھ ساتھ مرثیہ خوانی اور ماتم داری بھی انجام پائی۔ 
ادارہ غیر ملکی زائرین کے سربراہ نے کہا کہ اردو زبان زائرین کے لئے حرم امام رضا(ع) کے رواق غدیر میں ’’اذن عزا‘‘ کے روایتی پروگرام شب اول محرم نماز مغربین کے بعد انجام پائے ۔
جناب لسانی نے بتایا کہ اس پروگرام میں جناب میثم عباس نے زیارت وارثہ پڑھی اور رواق غدیر میں پرچم کی تبدیلی کے علاوہ نوجوانوں میں عزاء کی شال اور پیشانی بند تقسیم کئے گئے اور آخر میں سید میر احمد علی رضوی نے مرثیہ خوانی کی جس کے بعد حجت الاسلام سید مرتضیٰ حسین نقوی نے خطاب کیا، مجلس عزا کے اختتام پر نوحہ خوانی اور سینہ زنی کی گئی ۔