عالم اسلام کی خواتین نے قرآنی محفل کا انعقاد کر کے شہدائے کربلا کو خراج عقیدت پیش کیا

آستان نیوز کی رپورٹ کے مطابق؛ حضرت ابا عبد اللہ الحسین(ع) کے ایّام سوگواری کے موقع پر ’’ہدیہ بہ محضر ابا عبد اللہ الحسین(ع) و شہدائے کربلا‘‘ کے عنوان سے قرآنی محفل کا اہتمام کیا گیا،جس میں شام، عراق، افغانستان اور ایران سے تعلق رکھنے والی 350 زائر و مجاور خواتین نے حرم امام رضا(ع) کے رواق غدیر میں منعقدہ قرآنی محفل میں شرکت کی۔ 
یہ قرآنی محفل شہدائے کربلا کی یاد سے معطر فضا میں منعقد کی گئی جس کا آغاز شام سے تعلق رکھنے والی قاریہ و حافظہ قرآن محترمہ مرام زین کی جانب سے سورہ مبارکہ فجر کی تلاوت کی گئی ۔ 
یہ سورہ جو کہ سورہ امام حسین(ع) کے نام سے مشہور اس نے قرآنی محفل کو روحانی کیفیت عطا کی اور حاضرین نے اس سورہ کی تلاوت کا ثواب سیدالشہداء کی بارگاہ میں ہدیہ کیا۔ 
قرآنی محفل کو جاری رکھتے ہوئے محترمہ برغمدی نے اپنے خطاب میں قرآن کی منزلت کو تحریک حسینی کے تناظر میں بیان کیا اور قرآنی نسل کی تربیت اور معاشرے کو وحی کی تعلیمات سے جوڑنے کی ضرورت پر زور دیا۔ 
محترمہ مرام زین نے سید الشہداء اور شہدائے کربلا کی شان میں مرثیہ خوانی بھی کی جس نے مجلس کو عاشورائی رنگ میں تبدیل کر دیا۔ 
اس قرآنی محفل میں حجت الاسلام والمسلمین مہریزیان نے سورہ مبارکہ فجر کی تفسیر کرتے ہوئے اس سورہ کے مفاہیم اور تحریک عاشورا کے درمیان پائے جانے والے تعلق کو بیان کیا اوراس کے معرفتی و تربیتی پیغامات کی تشریح کی ۔ 
محفل کےاختتام پر حافظان قرآن اور ان کے اہلخانہ کے ساتھ گفتگو اور ان کے قرآنی تجربات پر تبادلہ خیال ہوا ، اس کے علاوہ قرآن کریم کی مکمل حافظہ خواتین کو متبرک تحائف سے بھی نوازا گیا۔