رضوی لائبریری کی جانب سے 20 مراکز کو 33 ہزار392 کتب ارسال

آستان قدس رضوی کی موبائل اور ٹیلی فون لائبریری کے ذریعے رواں سال کے پہلے تین مہینے میں 33 ہزار392 کتب اندرون ملک او ربیرون ملک میں واقع 20 مراکز کو ارسال کی گئیں۔

آستان نیوز کی رپورٹ کے مطابق؛ آرگنائزیشن آف لائبرریز،میوزیمزاور آستان قدس رضوی کے دستاویزاتی مرکز کے ڈائریکٹر حجت الاسلام والمسلمین سید جلال حسینی نے تفصیلات بتاتے ہوئے کہا کہ ان میں 29 ہزار462 کتب عطیہ کی گئی اور تین ہزار930 کتب طویل مدتی امانت کی صورت میں اسلامی جمہوریہ ایران اور افغانستان کے مراکز کو بھیجی گئیں۔
انہوں نے بتایا کہ کتابیں ارسال کرنے کا یہ سلسلہ سب سے زیادہ رواں سال کے مئی مہینے میں انجام پایا یعنی اس مہینے میں چودہ ہزار 690 کتب ارسال کی گئیں اور باقی کتب دوسرے دو مہینوں میں بھیجی گئیں۔
واضح رہے کہ زیادہ تر کتب وصول کرنے والے مراکز مشہد مقدس اور صوبہ خراسان رضوی سے ہیں۔
کتب وصول کرنے والے مراکز کا تعارف
سید جلال حسینی نے کہا کہ رواں سال کے پہلے تین مہینے میں جن مراکز کو کتابیں بھیجی گئیں ان میں سرخس شہر کی امام رضا(ع) مسجد کو چھے ہزار کتب،کاشان شہر کی خاتم الانبیاء مسجد کی لائبریری کو دو ہزار پچاس کتب اور تربت جام کے تعلیمی ادارے کو ایک ہزار پچاس کتابیں بھیجی گئیں۔
اسی طرح صوبہ اصفہان کے فریدون شہر کی عوامی لائبریریوں کی انتظامیہ کو پانچ ہزار کتب اور صوبہ خراسان جنوبی کی عوامی لائبریریوں کو بھی پانچ ہزار کتب عطیہ کی گئیں۔
اس کے علاوہ مشہد مقدس میں واقع رضوی میڈیسن سروسز انسٹیٹیوٹ کو بھی دوہزار پانچ سو کتب عطیہ کی گئیں اور افغانستان کے صوبہ سمنگان کو ایک ہزار کتب عطیہ کی گئیں۔
انہوں نے بتایا کہ اس مدت کے دوران 930 کتب حرم امام رضا(ع) کے دارالتفسیر نے تحویل لے کر تین ہزار کتب بیرجند شہر کی عوامی لائبریریز کو امانت کے طور پر ارسال کیں۔
کتاب عطیہ کرنے کی اہمیت اور موضوعاتی تنوع
حجت الاسلام سید جلال حسینی نے بتایا کہ یہ تنظیم مطالعہ کی ثقافت کو رواج دینے اور ملک کی علمی و ثقافتی سرگرمیوں کو مضبوط بنانے کے لئے موبائل لائبریری سے استفادہ کرتے ہوئے کتابیں عطیہ کرتی ہے یا امانت کے طور پر دیتی ہے۔
انہوں نے مزید بتایا کہ یہ وسائل متعلقہ علمی، ثقافتی اور تعلیمی مراکز کی درخواست اور ان کی لائبریریوں کے سامعین کے مطابق، مختلف مذہبی، ادبی، تاریخی، نفسیاتی، تعلیمی معاونت اور دیگر موضوعات پر مشتمل کتابوں کے مجموعے کی صورت میں تیار اور بھیجے جاتے ہیں۔
واضح رہے کہ مساجد، لائبریریاں، ثقافتی مراکز، تعلیمی و تحقیقی مراکز اور دیگر مراکز کو اگر اہدافی یا طویل مدتی امانتی کتابیں وصول کرنے کی ضرورت ہو تو، درخواست بھیجنے کے بعد، آستان قدس رضوی کی موبائل لائبریری سے کتب حاصل کر سکتے ہیں۔