شہید رہبر (رح) کے سوگوارں کی میزبانی کے لئے مشہد مقدس مکمل طور پر تیار

کرامت رضوی فاؤنڈیشن کے سماجی خدمات کے ڈائریکٹرنےشہید رہبر معظم انقلاب اسلامی(رح) کی تشییع جنازے میں آنے والے زائرین اور سوگواروں کے لئے وسیع پیمانے پر خدمات فراہم کرنے کی مکمل تیاری کی خبر دیتے ہوئے کہا کہ کرامت رضوی فاؤنڈیشن کی تمام خدماتی ، رفاہی اور عوامی توانائیاں سوگواروں کی شایان شان میزبانی کے لئے فعال ہیں اور تین دن تک انہیں مکمل فلاحی و رفاہی خدمات فراہم کی جائیں گی۔ 
کرامت رضوی فاؤنڈیشن کے سماجی خدمات کے ڈائریکٹر جناب جعفر رئیسیان نے آستان نیوز سے گفتگو کرتے ہوئے کہا کہ اہلبیت اطہار(ع) کے زائرین اور چاہنے والوں کی خدمت ہمیشہ سے کرامت رضوی فاؤنڈیشن کے بنیادی فرائض میں سے رہی ہے ،شہید رہبر(رح) کے جنازے میں شرکت کرنے والے سوگواروں کے لئے بھی ایک جامع منصوبہ بندی کی گئی ہے تاکہ سوگوار اس روحانی  پروگرام میں سکون اور آسانی سے شرکت کر سکیں۔ 
انہوں نے مشہد مقدس کے مختلف مقامات پر کرامت رضوی فاؤنڈیشن کے مرکزی موکبوں کے قیام کا ذکر کرتے ہوئے کہا کہ شہید شوشتری اسٹریٹ 1 اور 3 پر واقع موکب دارالکرامہ، خدمات فراہم کرنے کے اہم ترین مراکز میں سے ایک ہے جو تین دن تک مسلسل زائرین اور سوگواروں کو رہائش، گرم کھانے کی تقسیم، ہلکے پھلکے ناشتے، منرل واٹر اور شربت فراہم کرنے کے لیے تیار ہے۔ 
انہوں نے بتایا کہ مشہد مقدس کے خیام چوک پر واقع تربیت بدنی انسٹیٹیوٹ کا موکب بھی خدام اور عوامی رضاکاروں کے توسط سے تین دن رہائش اور کھانے کی خدمات فراہم کرے گا۔ 
انہوں نے باغ خاتون کیمپ کا ذکر کرتے ہوئے کہا کہ یہ کمپلیکس جو خاتون چوک اور توس چوک میں واقع ہے ،رہائش اور کھانا فراہم کرنے کے اہم مراکز میں سے ایک ہے  ۔
اس کے علاوہ چمن بلوارپر چمن نمر99 پر واقع زائرسرائے رضوی اور طرق اسٹریٹ پر واقع زائر شہر رضوی بھی سوگواروں کو رہائش اور کھانا فراہم کریں گے ۔ 
جناب رئیسیان زادہ نے کہا کہ خدمات فراہم کرنے کا یہ سلسلہ فقط انہی مراکز تک محدود نہیں ہے بلکہ تین معاون مواکب جن میں موکب شہید شوشتر، موکب رہ باغ رضوان اور موکب سازمان مرکزی شامل ہیں ، تشییع و تدفین کے تین دنوں میں رہائش اور کھانا فراہم کریں گے۔ 
انہوں نے کہا کہ تہ پل محلہ، شہید شوشتر، آیت اللہ واعظ طبسی اور آیت اللہ شیرازی کے سقاخانوں میں ان ایّام کے دوران ٹھنڈا پانی اور شربت کے ذریعہ سوگواروں کی پذیرائی کی جائے گی۔ ۔
اس کے علاوہ حرم امام رضا(ع) کے اطراف میں تیس مواکب لگائے جائیں گے جن کے ذریعے زائرین کو رہائش اور کھانا فراہم کیا جائے گا ۔ 
انہوں نے بتایا کہ میدان بوعلی پر کرامت رضوی فاؤنڈیشن کی بیکری روزانہ کی بنیاد پر چھے ہزار روٹیاں تیار کر کے تقسیم کرے گی ۔
کرامت رضوی فاؤنڈیشن کے سماجی خدمات کے ڈائریکٹر نے بتایا کہ کرامت رضوی فاؤنڈیشن سے منسلک صوبوں خراسان رضوی، خراسان شمالی اور خراسان جنوبی میں 20 کمپلیکس جو شاہراوں پر واقع ہیں تین دن تک فعال رہیں گے اور روزانہ کی بنیاد پرزائرین اور سوگواروں کو رہائش اور کھانا فراہم کریں گے۔ 
آخر میں ان کا کہنا تھا کہ کرامت رضوی فاؤنڈیشن ؛ کریمانہ میزبانی کی ثقافت کے ذریعہ حضرت امام علی رضا(ع) کی نورانی سیرت پر عمل پیرا ہوتے ہوئے شہید رہبر کے زائرین اور سوگواروں کو خدمات فراہم کرنے کے لئے اپنی تمام صلاحیتیں میدان میں لائے گی ۔