آستان قدس رضوی کی جانب سے بیرون ملک مقیم زائرین کے لئے عطیات و نذورات کی ادائیگی کےطریقوں میں توسیع

آستان نیوز کی رپورٹ کے مطابق؛ آستان قدس رضوی کے ادارہ عطیات و نذورات کے ڈائریکٹر جنرل جناب علی رضا اسماعیل زادہ نے بیرون ملک سے نذورات اور عطیات کی وصول کے طریقوں کو توسیع دینے سے متعلق تفصیلات بتاتے ہوئے کہا کہ اس مقصد کے لئے donate.razavi.ir سیسٹم کو لانچ کیا گیا ہے جس کے ذریعے اب پانچ کرپٹو کرنسیوں،ٹیتھر،ایتھیریم،بٹ کوائن،ڈوج کوائن،کارڈانو کے ذریعے نذورات کی ادائیگی ممکن ہے ۔ 
انہوں نے مزید یہ بتایا کہ یہ سیسٹم اس وقت صارفین کے لئے دستیاب ہے اس پلیٹ فارم  کو توسیع دینے کا مقصد بین الاقوامی زائرین کو نذورات اور عطیات کی ادائیگی میں سہولیات فراہم کرنا ہے ۔
جناب اسماعیل زادہ نے عطیات و نذورات کی ادائیگی کے ایک اور سسٹم نیوکیش اپلیکیشن کا ذکر رکتے ہوئے کہا کہ یہ اپلیکیشن خلیج فارس اور عرب ممالک میں تقریباً بیس فیصد استعمال ہوتی ہے اورایک جائزے کے مطابق ترکی سمیت کئی دیگر ممالک میں بھی استعمال کیا جاتا ہے ۔ 
گفتگو کو جاری رکھتے ہوئے کہا کہ فی الوقت بیرون ملک سے عطیات و نذورات کی وصولی کے لئے تجارت اور صادرات جیسے بینکوں کے غیرملکی کرنسی اکاؤنٹس اور سوئفٹ کوڈذ استعمال کیا جارہا ہے ،اگرچہ اس شعبے میں بین الاقوامی پابندیاں اور چیلنجز ہیں لیکن چند ایک غیرملکی ممالک میں یہ اکاؤنٹس بدستور اکیٹو ہیں۔ 
انہوں نے بیرون ملک مقیم ایرانیوں کےلئے «nazr.razavi.ir» سسٹم کے ذریعے نذورات و عطیات کی ادائیگی کا ذکر کرتے ہوئے کہا کہ وہ افراد جن کے پاس ایرانی بینکوں کے اے ٹم کارڈذ ہے اور رومنگ کے ذریعہ ڈائنامک پاس ورڈ(otp) حاصل کرنے کی سہولت ہے وہ اپنی نذورات اور عطیات کو ریال میں ادا کرنے کے لئے ان پلیٹ فارمز کا استعمال کر سکتے ہیں۔ 
جناب اسماعیل زادہ نے بتایا کہ بین الاقوامی سطح پر ادائیگی کے مراحل کو آسان بنانے کے لئے ٹکنیکلی اور قانونی مذاکرات اور جائزے جاری ہیں ، تاکہ مختلف ممالک سے نذورات و عطیات کی وصولی ممکن ہو سکے۔ 
آخر میں انہوں نےتاکید کی کہ اس شعبے کے ماہرین اور فعال افراد سے درخواست ہے کہ وہ نذورات اور عطیات وصول کرنے کے طریقوں کو بہتر بنانے اوربیرون ملک سے ان کی ادائیگی کے پلیٹ فارمز کے ساتھ روابط قائم کرنے لئے اپنی تجاویز اور آراء پیش کریں تاکہ دنیا بھر سے حضرت امام علی رضا(ع) کے عقیدت منداس کار خیر میں شریک ہو سکیں۔