ریمدان بارڈر؛امام ہشتم(ع) کے زائرین سے محبت اور خدمت کی سرحد

امام رضا(ع) ثقافتی و فلاحی کمپلیکس اور زائر سرا ایک ایسا منصوبہ ہے جوآستان قدس رضوی کی کرامت رضوی فاؤنڈیشن کے ذریعے ریمدان بارڈر کو امید کے مرکز میں بدلنے والا ہے ۔ 
آستان نیوز کی رپورٹ کے مطابق؛ ہر سال ہزاروں پاکستانی زائرین ریمدان بارڈر سے گزرتے ہیں ،اس بارڈر پر اب تک دھوپ اور مٹی کے سوا کچھ نہیں تھا نہ آرام کے لئے سایہ نہ کوئی علاج کی جگہ اور نہ ہی دل کو سکون دینے کے لئے مسجد تھی۔ 
آستان قدس رضوی کی کرامت رضوی فاؤنڈیشن نے میرجاوہ بارڈر پر واقع امام رضا(ع) فلاحی کمپلیکس کو مدّ نظر رکھتے ہوئے ریمدان بارڈر پر بھی ایک نیا منصوبہ شروع کیا ہے ،ایک ایسا منصوبہ جس کے تحت اٹھارہ ایکٹر رقبے پر ایک شایان شان فلاحی کمپلیکس تعمیر کیا جا رہا ہے ۔ یہ کمپلیکس صرف ایک زائر سرا نہیں ہوگا بلکہ کرامت و محبت کا ایک چھوٹا سا شہر ہوگا، جس کے وسط میں نماز پڑھنے کے لئے ایک مسجد، زائرین اور مقامی افراد کے لئے ایک کلینک ، بازار،ریسٹورینٹ،پمپ اسٹیشن،چائیلڈ پارک،اور ویسع پارکینگ شامل ہیں۔ 
یہ تمام تعمیرات مقامی طرز معماری کو مدّ نظر رکھتے ہوئے انجام دی جا رہی ہیں،تاکہ صوبہ سیستان کی شناخت محفوظ رہے ۔ 

میرجاوہ بارڈر؛ خدمت کا ایک کامیاب تجربہ
میرجاوہ بارڈر پر تعمیر کئے جانے والے کمپلیکس کے کامیاب تجربے نے یہ ثابت کر دیا ہے کہ محروم زمین پر بھی کرامت سے عمارت تعمیر کی جا سکتی ہے جس طرح میرجاوہ پر پاکستانی زائرین کے لئے ایک پناہ گاہ امام رضا(ع) کےسائے میں قائم کی گئی ہے اسی طرح ریمدان کو بھی اسی طرح تبدیل کیا جا رہا ہے ،اس تبدیلی سے نہ صرف زائرین کو سہولیات فراہم ہوں گی بلکہ علاقے کے نوجوانوں کے لئے روزگار بھی فراہم ہوگا۔ 
اس منصوبے کو پایہ تکمیل تک پہنچانے میں عوام اور مخیّر افراد کے تعاون کا بنیادی کردار ہے بلکہ تمام ایسے افراد کو دعوت عام دی جاتی ہے جو خدمت کرنا چاہتے ہیں۔ اس کمپلیکس کی ہر اینٹ عشق و محبت کی علامت ہے ،امام رضا(ع) سے اور ان کے زائرین سے محبت۔ 
وہ رستہ جو پیاس اور تھکاوٹ والا راستہ تھا عنقریب روشنیوں کا مرکز بننے والا ہے اور امام رضا علیہ السلام کا ایران ایک بار پھر دنیا کو کرامت کا چہرہ دکھائے گا۔
نیوز رپورٹر: امیر علی مقدم
اہم الفاظ: آستان قدس رضوی، حرم امام رضا(ع)، کرامت رضوی فاؤنڈیشن،ریمدان بارڈر،ایران،پاکستان،میرجاوہ،زائرسرا