افغان شہریوں کی جانب سے شہادت قائدامت کی مناسبت سے حرم مطہررضوی میں خصوصی تعزیتی پروگرام

آستان نیوز کے مطابق یہ خصوصی تعزیتی پروگرام امام رضآ علیہ السلام کے حرم مطہر کے رواق امام خمینی رح میں منعقدہوا جس میں ایران میں مقیم افغان شہریوں ، علما ، حوزہ علمیہ اوریونیورسٹیوں کے اساتذہ ، حرم کے خدام اور زائرین کی بڑی تعداد نےشرکت کی 
اس خصوصی پروگرام میں روحانی اور معنوی ماحول کے دوران دعا، تقریروں اور تعزیتی نظموں کے ساتھ نوحہ خوانی اور سینہ زنی بھی کی گئي  
یہ پروگرام دینی شعائر کی تعظیم ، امت اسلامیہ کے درمیان اتحاد کی تقویت اور اسلام کے اخلاقی اورمعرفتی مفاہیم کو بیان اور ان کی تشریح کے مقصد سے منعقد کیا گیا 
 اس پروگرام میں امت اسلامیہ کے مابین اتحاد، معنوی بیداری اور مسلمانوں میں احساس ذمہ داری کو جگانے پر زور دیا گيا
 پروگرام کے دوران مقررین نے اس بات پر تاکید کی کہ سماج اور معاشرے میں دینی شعور اور آگآہی کو زیادہ سے زیادہ پیدا کرنے کے لئے اس طرح  کے پروگرام کا انعقاد ضروری ہے 
پروگرام میں زائرین اور شرکا کا جوش و ولولہ قابل دید تھا اور باہمی اتحاد ، دوطرفہ احترام اور معاشرے کے مختلف طبقوں میں برادرانہ پرامن بقائے باہمی کا شاندار جلوہ پیش کررہا تھا 
 پروگرام کے آخر میں امت اسلامیہ کی سلامتی ، عزت اور سربلندی کی دعا کی گئي ۔