شہید لاریجانی کا پاک خون ایران اسلامی کی عزت، خودمختاری اور پیشرفت کا راستہ مزید روشن کرے گا، متولی آستان قدس 

باسمه تعالی
اِنّا للهِ وَ اِنّا اِلَیهِ راجِعون
صمیمی اور قریبی دوست، دانشمند مجاہد، خادم الرضا(ع)،اسلامی نظام کے سچے خدمتگزاراور رہبرشہید انقلاب کے یار باوفاو جناب ڈاکٹرعلی لاریجانی کی اپنے عزیز بیٹے کے ہمراہ مظلومانہ شہادت نے پوری ایرانی قوم  اوراسلامی انقلاب کے شیدائيوں کے دلوں میں گہرے غم و اندوہ کی لہر دوڑا دی ہے 
بلاشبہہ یہ ( شہید ڈآکٹر لاریجانی) ان شخصیتوں میں سے تھے جنھوں نے اپنی پوری بابرکت عمرایران اسلامی کی سربلندی، نظام کی بنیادوں کو مستحکم بنانے اور عوام کی مخلصانہ خدمت میں گزار دی۔
 دیانت، درایت،عقلانیت اور انقلابی جذبہ ان کی ممتاز خصوصیات میں سے تھیں جوان کی سنگين حکومتی ذمہ داریوں خاص طورپرسیکورٹی ، سیاسی، ثقافتی اور سماجی میدانوں میں ان کے حکومتی فرائض میں پوری طرح درخشاں اورجلوہ فگن تھیں 
یہ عظیم خسارہ اورنقصان، راستہ کا اختتام نہیں بلکہ اس راستے کے تسلسل اور دوام کا آغازہے جوان کی مجاہدت ، اخلاص اور بلاوقفہ خدمت کے ذریعے متعین ہواہے 
اس شہید گرانقدر کا پاک خون روشن چراغ کی مانند ایران اسلامی کی عزت، خودمختاری اور پیشرفت کا راستہ اور زیادہ روشن کرے گا اور استقامت و یکجہتی کے شجرہ طیبہ کو پہلے سے بھی زیادہ تنومند کرے گا
اس موقع پر میں حضرت ثامن الحجج علیہ آلاف التحیہ و الثنا کے مضجع شریف اور نورانی بارگاہ  سے رہبرمعظم انقلاب اسلامی، ایران کی باشرف قوم ، ان کی اہلیہ محترمہ، ان کے بیٹوں، بیٹیوں  اوران کے برادران ارجمند بالخصوص آيت اللہ آملی لاریجانی اور شہید مطہری ( رح) کے بیت مکرم (اہل خانہ ) کی خدمت میں تعزیت پیش کرتے ہوئے خداوند متعال سے ان شہدائے عزیزو والا مقام کے لئے علو درجات ، اولیائے الہی کے ساتھ محشور کرنے اور معزز لواحقین اور پسماندگان کے لئے صبر و اجر کی دعا کرتا ہوں 
وَ سَیَعلَمُ الَّذینَ ظَلَموا أَیَّ مُنقَلَبٍ یَنقَلِبونَ
احمد مروی
 متولی آستان قدس رضوی