ولایت کی امنگوں سے قوم کا دوبارہ تجدید عہد

آستان نیوز کے مطابق اس عظیم الشان اجتماع میں جو اسی وقت پورے ایران میں جاری تھا بچے بوڑھے جوان مرد و خواتین اور مداحان اہلبیت (ع) سبھی شامل تھے اس اجتماع میں مداحان اہل بیت رضا نریمانی ، صادق آہنگران اور احد اسدی نے مرثیہ خوانی اور نوحہ خوانی سے حضرت ثامن الحجج  علیہ السلام کے حرم کے صحن و سرا کو ایثار وفداکاری   
کے جذبے سے سرشار کردیا ۔ اجتماع میں شریک لوگوں کے ہاتھوں میں اسلامی جمہوریہ ایران کا پرچم تھا جو ایک ایسی قوم کی عزت و ثبات قدم کی داستان سنارہے تھے جس نے یہ ثابت کردیا کہ وہ حق کے راستے سے ایک لمحے کے لئے پيچھے نہیں ہٹیں گے 
 ہم شہادت کی قوم ہیں ؛ آج کی جنگ عقیدہ کی جنگ ہے 
اس اجتماع سے خطاب کرتے ہوئے حجت الاسلام والمسلمین دانشمند نے  سید الشہدا کے (ع) کے مکتب اور شہید حاج قاسم سلیمانی کے قول کا ذکرکرتے ہوئے کہا کہ ہم امام حسین علیہ السلام کے مکتب کے تربیت یافتہ ہیں اور شہید قاسم سلیمانی کے بقول ہم شہادت کی قوم ہیں ۔
حجت الاسلام دانشمند نے کہا کہ آج دشمن سے ہمارا مقابلہ سیاسی مسائل سے بالاترپوری طرح عقیدتی جنگ ہے دشمن ہمارے دین اور نظریہ ظہور کا مخالف ہے۔ 
انہوں نے دشمن کے ذرائع ابلاغ کے پروپیگںڈوں کی مذمت اور سوشل میڈیا کی جھوٹی خبروں پر شدید تنقید کرتے ہوئے کہا کہ اصلی ایران ، یہی عوام ہيں جو پوری رات سڑکوں اور چوراہوں پر موجود ہیں۔ دشمن سمجھ رہا تھا کہ  وقت گذرنے کے ساتھ ساتھ  اور نوروز کی تعطیلات میں ولایت سے عشق و عقیدت کو ایرانی عوام کے دلوں میں کم کردے گا لیکن آج کی رات بھی عوام کی سڑکوں پر تاریخی موجودگي نے دشمن کے تمام اندازوں کو غلط ثابت کردیا ۔
رہبرشہید کی فرقت اور ولایت سے تجدید عہد 
  حجت الاسلام دانشمند نے امام زمانہ (عج) کے نائب برحق کی مظلومانہ شہادت کا ذکرکرتے ہوئے کہا کہ ہمارے عزیز رہبر اپنی دیرینہ آرزو کو جو کہ شہادت تھی پہنچ گئے اگرچہ ان کا داغ سنگین ہے لیکن دشمنوں کے ناپاک عزائم کے برخلاف ولایت کا علم اور پرچم بدستور اونچا ہے اور حضرت آيت اللہ سید مجتبی خامنہ ای کے انتخاب سے ولایت جوان ہوگئي ان کا کہنا تھا کہ دشمن کو جان لینا چاہئے کہ یہ انقلاب اس کے  بزرگوں کی شہادت سے ختم ہونے والا نہيں ہے کیونکہ یہ پوری قوم اپنے اپنے زمانے کی حاج قاسم ہے اور امامت کی مکمل طور پر وفادار ہے  
 اتحاد ؛ دشمن کے قلب پر میزائل کا وار 
حجت الاسلام دانشمد نے اپنے خطاب کے آخر میں اتحاد و یکجہتی کو ہر ہتھیار سے زیادہ کارآمد بتایا اور کہا کہ کفر اور دور حاضر کے شیطان پرستوں سے حقیقی معرکہ اتحاد اور یکجہتی کے ساتھ  ہی لڑا جاسکتا ہے اورآج سڑکوں اور میدان میں عوام کی موجودگي انتظار کی مشق ہے اور جو بھی آج ولایت کی پاسداری کے لئے نکلے گا وہ ظہور کے وقت بھی حضرت ولی عصر (عج ) کے اصحاب و انصار کی صف اول میں ہوگا 
اس پروگرام کے آخر میں اجتماع کے شرکا نے سامراج مخالف نعرے لگائے  اور امام اور شہدا کے مشن اور امنگوں سے تجدید عہد کیا ،