حرم مطہر رضوی امام جعفرصادق علی السلام کی شہادت میں سوگوار 

آستان نیوز کے مطابق امام جعفرصادق علیہ السلام کی مظلومانہ شہادت کی شب کے موقع پر حرم مطہر رضوی، ان زائرین اور مجاورین کا میزبان تھا جو امام رؤوف حضرت علی ابن موسی الرضا علیہ السلام کو پرسہ دینے کے لئے وہاں مشرف ہوئے تھے 
 امام جعفرصادق علیہ السلام کی شب شہادت کا خصوصی پروگرام اس نورانی اور مقدس بارگاہ میں نماز مغرب و عشار کے بعد رواق امام خمینی (رح) میں منعقد ہوا ۔
مجلس عزا  کو خطاب کرتے ہوئے حجت الاسلام محمد باقر حیدری کاشانی نے ملک کے حالیہ حادثات اور وطن کے دفاع میں سڑکوں پر عوام کی موجودگی کی جانب اشارہ کرتے ہوئے کہا کہ ان اجتماعات میں جن کاموں کی انجام دہی کے لئے سفارش کی گئی ہے ان میں سے ایک سورہ فتح کی تلاوت ہے۔  
 انہوں نے کہا کہ سورہ فتح کی زیادہ سے زیادہ تلاوت اور اسی طرح امام زمانہ (عج) کے حضور ایرانی عوام کا استغاثہ جیسا کہ محاذ جنگ پر موجود  سربازان وطن کا کہنا ہے، عظیم اور غیر معمولی کامیابیوں اور فتوحات کے حصول کا باعث رہا ہے بنابریں ان تلاوتوں اور استغاثوں کو جاری رکھنا چاہئے ۔
مجلس عزا کے خطیب  حجت الاسلام حیداری کاشانی نے کہا کہ سورہ مبارکہ فتح کا پیغام یہ ہے کہ اگر کوئی امت رسول اللہ سے بیعت کرتی ہے تو اس کا مطلب یہ ہے کہ اس نے خدا سے بیعت کرلی ہے اور خدا وندعالم بھی آسمان و زمین کے تمام سپاہیوں کو اس قوم کی مدد و نصرت کے لئے مامور کردیتا ہے ۔
ان کا کہنا تھا کہ سورہ مبارکہ فتح میں اسی طرح اس موضوع کی جانب بھی اشارہ کیا گيا ہے کہ اللہ کا ہاتھ سب سے بلند و بالا ہاتھ ہے اور اس کائنات میں کوئي بھی طاقت اللہ کی طاقت سے بالاتر نہيں ہے۔ درحقیقت جو قوم اپنا ہاتھ اللہ کے ہاتھ میں دے دے گی وہ دنیا کی ساری طاقتوں کو زیر کردے گی  ۔
امام جعفرصادق علیہ السلام کی شب شہادت کی مناسبت سے منعقدہ اس مجلس عزا میں مداحان اہل بیت (ع) مہدی اکبری اور ابراہیم احمدی نے امام مرثیہ سرائی اور نوحہ خوانی کی ۔