حرم امام رضا(ع) میں بین الاقوامی علمی و تبلیغی فکری شعبے کی سرگرمیوں کا آغاز

آستان نیوز کی رپورٹ کے مطابق؛ امام رضا(ع) انٹرنیشنل یونیورسٹی  کے سربراہ ڈاکٹر داوودی نے بین الاقوامی علمی و تبلیغی  فکری گروپ کی سرگرمیوں کے آغاز کا ذکر کرتے ہوئے کہا کہ اس شعبے کی اہم ترین ذمہ داریوں میں یونیورسٹیوں کی علمی صلاحیتوں اور حرم امام رضا(ع) کی بین الاقوامی ضروریات کےمابین رابطہ قائم کرنا ہے تاکہ طلباء اور اساتذہ بین الاقوامی میدان میں مؤثر کردار ادا کرسکیں۔ 
انہوں نے بتایا کہ انگلش سبجیکٹ سے عملی استفادہ،ممتاز طلباء کا تعارف، تحقیقات اور تھیسز اور بین الاقوامی نشستوں کا انعقاد ان اہم موضوعات میں سے ہے جنہیں اس شعبے کے پہلے اجلاس میں منظور کیا گیا ہے ۔ 
یونیورسٹی کی تعلیم کو حرم امام رضا(ع) کی سرگرمیوں سے جوڑنا
اجلاس کے دوران شرکاء نے انگریزی  زبان کو عملی میدان میں استعمال کرنے پر زور دیا ،تاکہ طلباء عملی تجربے کے ذریعے اپنی تخصصی صلاحیتوں کو مستحکم بنا سکیں۔ 
اس اجلاس کے دیگر پروگراموں میں یونیورسٹیوں کے ممتاز اور فعال طلباء کی شناخت اور انہیں حرم امام رضا(ع) کے ثقافتی اور تبلیغی پروگراموں میں شرکت کے لئے متعارف کروانا تھا،اس پراجیکٹ کے تحت طلباء حرم امام رضا(ع) کے متعلقہ اداروں کے ساتھ علمی تعاون کریں گے اور ان کی سرگرمیوں کو یونیورسٹی کی فائل میں درج کیا جائے گا۔ 
حرم امام رضا(ع) کے بین الاقوامی امور کے لئے تقاضا محور تھیسز
فکری شعبے کے اراکین نے ادارہ غیرملکی زائرین کی ضروریات کے مطابق تقاضا محور تھیسز اور تحقیقات پر زور دیا اور اسی بنیاد پر فکری شعبے میں جائزہ لینے اور منظوری کے بعد تحقیقی موضوعات کو گریجویٹ طلباء کے اختیار میں دیا جائے گا تاکہ حرم امام رضا(ع) کے بین الاقوامی شعبے کی علمی و تحقیقی ضروریات کا ایک اہم حصہ یونیورسٹی کے ذریعے پورا کیا جا سکے۔ 
اجلاس کے آخر میں یہ طے پایا کہ اس اجلاس کو باقاعدہ ہر مہینے منعقد کیا جائے جس میں اراکین منصوبوں اور تجاویز کے تخصصی جائزے کے بعد مشترکہ پروگراموں پر عمل درآمد کرنے کے بارے میں فیصلہ کریں گے۔ 
واضح رہے کہ اس اجلاس میں امام رضا(ع) انٹرنیشنل یونیورسٹی،  مشہد کی فردوسی یونیورسٹی، مشہد کی میڈٰکل یونیورسٹی، علوم اسلامی رضوی یونیورسٹی ،حوزہ علمیہ خراسان اور بہار ہائیر ایجوکیشن انسٹیٹیوٹ کے نمائندگان نے شرکت کی ۔