حرم امام رضا(ع) کا حسینیہ ایران اور دنیا بھر کے شیعوں کا میزبان 

آستان نیوز کی رپورٹ کے مطابق؛ محرم الحرام کے پہلے عشرے کی عزادری کا سلسلہ یکم محرم الحرام سے لے کر گیارہ محرم کی رات جاری رہے گا 
ہر رات حسینیہ حرم میں مختلف ماتمی دستے اور انجمنیں اپنے اپنے روایتی انداز میں عزاداری سیدالشہدا کریں گی، واضح رہے کہ یہ پروگرام ہر رات مغرب و عشاء کی نماز کے بعد رات آٹھ بجے سے ساڑھے نو بجے تک پھر نو پینتالیس سے ساڑھے گیارہ تک اور رات گیارہ پینتالیس سے صبح ایک بجے تک منعقد کیا جائے گا۔ 
ماہ محرم کی پہلی رات حرم امام رضا(ع) کا حسینیہ صوبہ کردستان اور خوزستان سے آنے والے عزاداروں کا میزبان ہے اور محرم کی دوسری رات صوبہ ہمدان، گیلان اور خراسان رضوی کے عزادار سید الشہداء کی عزادری اور سوگواری کریں گے۔ 
تیسری رات صوبہ قزوین، یزد اور خراسان رضوی کے عزادار عزاداری منائیں گے۔
ماہ محرم کی چوتھی رات کو حرم امام رضا(ع) کے حسینیہ میں صوبہ مازندران، جنوبی خراسان اور البرز کی مذہبی انجمنیں روایتی انداز میں عزاداری کریں گی اور محرم کی پانچویں رات کو بھی صوبہ گلستان، شمالی خراسان اور خراسان رضوی کے عزادار سید الشہداء کا سوگ منائیں گے۔ 
محرم کی چھٹی رات کو صوبہ سیستان و بلوچستان، کاشان اور گناباد کے عزادارعزاداری کریں گے اور ساتویں رات صوبہ چہار محال و بختیار، افغانستان، اور خراسان رضوی کے عزادار سوگواری کریں گے۔ 
محرم الحرام کی آٹھویں رات صوبہ سمنان اور بوشھر کے عزادار امام حسین(ع) اور ان کے باوفا ساتھیوں کے لئے عزاداری کریں گے ، محرم کی نویں رات کو انگریزی بولنے والے شیعہ مومنین اور صوبہ ہرمزگان و خراسان رضوی کے عزادار امام حسین(ع) کےسوگ میں عزاداری کا اہتمام کریں گے۔ 
عراقی شیعہ مومنین شب عاشورا کو حسینیہ حرم میں عزاداری کریں گے اور شام غریباں کی رات پاکستان اور ہندوستان کے زائرین اپنے روایتی انداز میں سوگواری اور عزاداری کریں گے۔ 
قابل توجہ ہے کہ امام حسین(ع) کےسوگ میں برپا کئے جانے والے عزاداری کے پروگرامز مختلف اقوام اور مذاہب کے مابین اتحاد و یکجہتی اور ہمدلی کی علامت ہیں ۔
واضح رہے کہ ان تمام پروگراموں کو قومی اور صوبائی ٹی وی چینلز سے نشرکیا جائے گا۔