جارجیا کے 130 رکنی مذہبی و ثقافتی وفد کا حرم امام رضا(ع) کے خدام کی جانب سےخصوصی استقبال

آستان نیوز کی رپورٹ کے مطابق؛ شہید رہبر(رح) کی تشیع جنازہ میں شرکت کے لئے  آنے  والی عالمی شخصیات کی میزبانی کے سلسلے کوجاری رکھتے ہوئے حرم امام رضا(ع) کے خدام نے شہید ہاشمی نژاد ائیرپورٹ پر جارجیا کی مذہبی و ثقافتی شخصیات کا استقبال کیا۔ 
حرم امام رضا(ع) کے خدام نے ائیرپورٹ پر باقاعدہ استقبالیہ کے دوران پھولوں کے ذریعے خیر مقدم کرتے ہوئے دونوں ممالک کے مابین ثقافتی و مذہبی روابط کو مستحکم کرنے پر زور دیا۔ 
اس وفد کا مشہدِ مقدس میں زیارتی پروگرام حرم مطہر رضوی کے صحنِ انقلاب اسلامی میں حاضر ہونے سے شروع ہوا، جہاں ایک خصوصی تقریری پروگرام کا انعقاد کیا گیا۔
وفد کے اراکین نے مقبرہ شیخ طبرسی میں بھی حاضری دی، جہاں انہوں نے دینی شخصیت کے بلند مرتبے کو خراجِ عقیدت پیش کیا اور وہاں تیار کیے گئے ثقافتی و مذہبی پروگراموں سے مستفید ہوئے۔
ثامن الحجج حضرت امام علی بن موسیٰ الرضا(ع) کی زیارت سے شرفیاب ہونے کے بعد ان بین الاقوامی شخصیات نے حضرت امام علی رضا(ع) کے متبرک دسترخوان پر ناشتہ تناول کیا ۔
واضح رہے کہ حرم مطہر کے خدام نے جارجیا سے آنے والے ان مہمانوں کی بہترین انداز میں میزبانی کی۔