حرم امام رضا(ع) کا رواق غدیر شہید رہبر(رح) کے افغان سوگواروں کا میزبان

آستان نیوز کی رپورٹ کے مطابق؛ 11 جولائی2026 بروز ہفتے کو ہزاروں افغان زائرین رہبر معظم انقلاب اسلامی کے پاکیزہ پیکر کی تشییع میں شرکت کے لئے مشہد مقدس آئے تھے ،ان میں سے ایک گروپ نے حرم امام رضا(ع) کے رواق غدیر میں منعقدہ خصوصٰ عزاداری کے پروگرام میں شرکت کی اور افغان عوام کی جانب سے ولایت اور اہلبیت(ع) سے محبت و عقیدت کا اظہار کیا۔ 
مجموعی طور پر ڈھائی ہزار افغان زائرین شہید رہبر(رح) کی تشییع جنازہ کی رسومات میں شرکت کے لئے مشہد مقدس آئے تھے جن میں سے تقریباً پانچ سو افراد نے رواق غدیر میں منعقدہ عزاداری کے پروگرام میں شرکت کی۔ 
رواق غدیر سرحد پار رہنے والے عاشقوں کا میزبان 
عزاداری کے یہ پروگرام گرمی کی شدت کے باعث حرم امام رضا(ع) کے رواق غدیر میں منعقد کئے گئے ،پروگرام کا آغاز تلاوت قرآن کریم سے ہوا جس کے بعد حجت الاسلام وحیدی نے خطاب کرتے ہوئے رہبر معظم انقلاب اسلامی کی شخصیت کے مختلف پہلوؤں ، امت مسلمہ میں ولایت کے مقام اور   مسلمانوں کی عزت کے تحفظ میں اسلامی جمہوریہ ایران شہید رہبر(رح) کے اہم کردار پر روشنی ڈالی اور افغانستان کے عوام کی ان رسومات میں شرکت   پر امت مسلمہ کے اتحاد و یکجہتی کا مظہر قرار دیا۔ 
اشکوں کی کوئی حد و مرز نہیں ہے 
مجلس عزاء کے اختتام پر رواق غدیر میں مرثیہ خوانوں نے مرثیے پڑھے اور عزاداروں نے شہید رہبر(رح) کے سوگ میں اشک بہائے اور ماتم کیا،آنکھوں سے بہتے ہوئے اشک اور ماتم کے لئے اٹھنے والے ہاتھوں نے عشق و محبت کا وہ منظر پیش کیا جو یہ ظاہر کررہا تھا کہ  جغرافیائی فاصلے کے باوجود دل اسلامی انقلاب کی امنگوں سے ہی وابستہ ہے  ۔ 
عزاداری کی ان رسومات میں شامل مرد وخواتین’’یا قائد المستضعفین‘‘ کے پرچم ہاتھوں میں لئے ہوئے تھے اور ایک آواز میں شہید رہبر(رح) کے سوگ میں ماتم کر رہے تھے ، یہ مناظر امت مسلمہ کے اتحاد کا مظہر تھے ۔ 
واضح رہے کہ عزاداری کے یہ پروگرام شام سات بج کر دس منٹ پر دعا کے ساتھ اختتام پذیر ہوئے ۔