آستان قدس رضوی کے متولی کی موجودگی میں ملک کے جدید ترین ہاسٹل کا افتتاح

آستان نیوز کی رپورٹ کے مطابق؛ ولادت با سعادت امام حسن عسکری(ع) کے موقع پر مؤرخہ 20 ستمبر2026 بروز اتوار کو طالبات کے ’’سرای نجمہ خاتون(س)‘‘ ہاسٹل کا افتتاح کیا گیا، افتتاح کے موقع پر آستان قدس رضوی کے متولی آیت اللہ احمد مروی اور میڈیکل آف سائنس یونیورسٹی کے سربراہ ڈاکٹر محمود شبستری سمیت متعدد صوبائی حکام بھی موجود تھے۔
افتتاحی تقریب کے دوران مشہد کی میڈیکل سائنس یونیورسٹی کے ڈائریکٹر نے اپنے خطاب میں ’’سرای نجمہ خاتون(س)‘‘ ہاسٹل کے منصوبے کو پایہ تکمیل تک پہنچانے میں آستان قدس رضوی کے متولی کی کاوشوں کو سراہا اور آستان قدس رضوی کے اس اقدام کو طالبات کی تعلیم میں سہولت فراہم کرنے کے حوالے سے انتہائی قابل قدر قرار دیا۔
انہوں نے اس بات کا ذکر کرتے ہوئے کہ طبی علوم کے طلبا کے لیے دورانِ تعلیم ایک مناسب اور شایانِ شان ہاسٹل کا حصول ایک اہم مطالبہ تھا (کیونکہ طالب علمی کا دور گزارنے کے لیے موزوں جگہ طلبا کی تعلیم کے معیار پر بہت اثر انداز ہوتی ہے)، کہاکہ اسی سلسلے میں آستان قدس رضوی کے متولی کی خصوصی ہدایت  سے، «سرای نجمہ خاتون (س)» اسٹوڈنٹ ہاسٹل 1.8 ہیکٹر رقبے پر اور 8261 میٹر سے زائد کل تعمیراتی رقبے پر، جس میں میڈیکل سائنسز کے 424 طلبا کے لیے 106 رہائشی یونٹس شامل ہیں، اسی یونیورسٹی کے احاطے میں تعمیر کیا گیا اور آج اس کا افتتاح کیا گیا ہے۔
واضح رہے کہ گزشتہ سال ماہ رمضان میں آیت اللہ مروی کے مشہد یونیورسٹی آف میڈیکل سائنسز کے ہاسٹلز کے دورے، اور طلبہ کی جانب سے رہائشی سہولیات میں توسیع کی  درخواستوں کے پیشِ نظر، آستان قدس رضوی کے متولی کی منظوری سے، طالبات کا یہ ہاسٹل «سرای نجمہ خاتون (س)» آستان قدس رضوی کی جانب سے اور میڈیکل سائنس یونیورسٹی کے اشتراک سے یونیورسٹی کے احاطے میں تعمیر اور افتتاح کیا گیا ہے۔