امام رضا(ع) دانائی، عشق اور انسانیت کی علامت ہیں؛ پاکستانی آرٹسٹ کا بیان

آستان نیوز کی رپورٹ کے مطابق؛ پاکستان کے معروف فنکار اور آرٹسٹ جناب یوسف قریشی جو اداکاری اور فیشن ڈیزائننگ کےمیدان میں سرگرم ہیں مشرقی ثقافت او روحانیت سے اپنی گہری وابستگی کا اظہار کرتے ہوئے کہتے ہیں کہ میں پہلی بار ایران آیا ہوں ، حرم امام رضا(ع) میں شرفیاب ہونے کے احساسات کو لفظوں کے ساتھ بیان نہیں کر سکتا، میں جب صحن میں داخل ہوا تو یوں لگا جیسے سکون، محبت اور نور سے بھری دنیا میں قدم رکھا ہو،جسے نہ سنا جا سکتا ہے اور نہ بیان کیا جا سکتا ہے اسے صرف دل سے محسوس کیا جاسکتا ہے ۔ 
انہوں نے مزید یہ کہا کہ میرے پاس کوئی ایسا لفظ نہیں ہے جس سے ان لمحات کے احساسات کو بیان کر سکوں،امام رضا(ع) سے رو برو ہونے کا احساس بیان سے ماورا ہے ،میرے دل نے مجھے کہا کہ یہ وہ جگہ ہے جہاں انسان کی روح تازہ ہو جاتی ہے ،گویا مجھے نیا جنم ملا ہے ۔ 
اہلسنت مسلک سے تعلق رکھنے والے اس پاکستانی اداکار نے بتایا کہ ایران آنے سے پہلے میں امام رضا(ع) کو فقط ایک مذہبی شخصیت کے طور پر جانتا تھا لیکن زیارت کے بعد میری فکر تبدیل ہو گئی۔ 
امام رضا(ع) کے بارے میں فقط اتنا جانتا تھا کہ یہ شیعوں کے امام ہیں مگر جب حرم میں آیا تواحساس ہوا کہ فقط شیعوں یا ایرانیوں کے نہیں بلکہ ان تمام انسانوں کےپیشوا ہیں جو امام کی روحانیت کو محسوس کرتے ہیں ۔ 
ان کا کہنا تھا کہ مشہد پہنچنے اور زائرین کو دیکھنے سے ہی میں نے شہر کے روحانی ماحول کو دلی طور پر محسوس کیا ہے ۔
مشہد مقدس ایک ایسا شہر ہے جس کی فضا امام رضا(ع) کے ذکر سے بھری ہے ،اس شہر میں موجود لوگوں کا عشق، اخلاص اور مسکراہٹیں ایک روحانی فلم کے مناظر پیش کر رہی تھی،اس بار میں محض اداکار نہیں تھا بلکہ اپنی زندگی کی کہانی میں خود موجود تھا۔ 
آخر میں ان کا کہنا تھا کہ میں اس زیارت کو اپنی زندگی کا ایک اہم سنگِ میل سمجھتا ہوں ،کیونکہ حرم امام رضا(ع) میں مجھے یہ احساس ہوا کہ ہر چیز ختم ہو جاتی ہے اور جو چیز باقی رہتی ہے وہ صرف محبت ہے ۔ 
اہم الفاظ: آستان قدس رضوی، حرم امام رضا(ع)،میوزیم،پاکستانی اداکار،یوسف قریشی،اہلسنت،زیارت