حرم امام رضا(ع) میں پندرہ سو معتکفین کے اعتکاف کا آغاز

آستان نیوز کی رپورٹ کے مطابق؛ حرم امام رضا علیہ السلام میں 2026 کا اعتکاف تیرہ رجب سے مسجد گوہر شاد میں شروع ہوا جو کہ تین دن تک جاری رہے گا،معتکفین روحانی ماحول میں دعا و مناجات اور خدا سے خلوت کریں گے اور اپنی خودسازی اور تزکیہ نفس میں مشغول رہیں گے۔ 
ماہ رجب کے اعتکاف کے لئے 96 ہزارافراد کی رجسٹریشن
ادارہ اماکن متبرکہ کے منتظمین کے مطابق رواں سال میں 96 ہزار افراد نے ماہ رجب کے لئے اعتکاف کے لئے رجسٹریشن کروائی جن میں سے ایک ہزار پانچ سو افراد کو قرعہ اندازی کے ذریعہ انتخاب کیا گیا جن میں آدھی خواتین اور آدھے مرد ہیں۔ 
قابل توجہ ہے کہ اعتکاف میں شرکت کے لئے مرد حضرات کے لئے کم سے کم چودہ سال اور خواتین کے لئے بارہ سال کی عمر ضروری ہے تاکہ بچے بچیاں اپنے والدین کے ہمراہ اعتکاف میں شرکت کر سکیں۔ 
منظم انداز میں اعتکاف کے انعقاد کے لئے مسجد گوہر شاد کے چھ شبستان بشمول نجف آبادی، نھاوندی، میلانی مردوں کے لئے اور سبزواری،تبریزی اور شبستان گرم خواتین کے لئے مختص کئے گئے ہیں۔ 
مناجات اور نماز جماعت سے اعتکاف کا آغاز
تیرہ رجب کی صبح کے ابتدائی لمحات میں سحرگاہی مناجات کی گئیں، احکام شرعی بیان ہوئے اور نماز فجر باجماعت پڑھی گئی جس کے بعد دعائے عہد کی تلاوت ہوئی اور قرآن کریم کا آدھ جز تلاوت کیا گیا۔ 
اس کے علاوہ میلاد امیرالمؤمنین کی مناسبت سے منقبت خوانی کی گئی اور قصیدے بھی پڑھے گئے ، ظہرین کی نماز کے بعد زیارت امین پڑھی گئی اور خطاب بھی ہوا۔ 
قابل توجہ ہے کہ اعتکاف کے دوران تفسیر قرآن، نہج البلاغہ، صحیفہ سجادیہ، اخلاقیات، خاندان اور نوجوانوں سے متعلق موضوعات پر معرفتی نشستیں بھی منعقد کی جا رہی ہیں۔
واضح رہے کہ پروگراموں کا یہ سلسلہ آخری دن تک جاری رہے گا، البتہ اعتکاف کے آخری دن اعمال’’ام داوود‘‘ انجام دیئے  جائیں گے اور قرآن کریم کی تلاوت کا اہتمام کیا جائے گا اور آخری دن نماز مغربین باجماعت ادا کرنے اور افطار کرنے کے بعد اعتکاف کے روحانی مراسم اختتام پذیر ہوں گے ۔ 
حرم امام رضا(ع) کے ادارہ اماکن متبرکہ کے ڈائریکٹر نے بتایا کہ مسجد گوہر شاد کے انڈر گراؤنڈ منصوبے کی تکمیل کے بعد اگلے سے  معتکفین کی تعدا دو برابر ہو کر تین ہزار معتکفین اعتکاف پر بیٹھ سکیں گے۔