رہبرانقلاب اسلامی کی جانگداز شہادت کے بعد امام رضا (ع) انٹرنیشنل یونیورسٹی کے طلبا اور اساتذہ گذشتہ پیر سے ہر روز اجتماع کررہے ہیں

 آ‎ستان نیوز کے مطابق امام رضا (ع) انٹرنیشنل یونیورسٹی کے طلبا اور اساتذہ نے امریکا اور صیہونی حکومت کے وحشیانہ اور بین الاقوامی وانسانی اصولوں اور حقوق کے منافی اقدامات کی مذمت کرنے کے لئے گذشتہ پیر سے آئندہ جمعہ تک ہرروز اجتماع کرنے کا پروگرام بنا رکھا ہے 
امام رضا (ع) انٹرنیشنل یونیورسٹی کے طلبا اور اساتذہ کے اس اجتماع میں جو امت اسلامیہ کی بیداری ، طلبا کی آگہی و بصیرت اور علم دوست طبقے کے شعورکی بالیدگي  کی علامت ہے انقلابی ترانوں، نوحہ خوانی و سینہ زنی کے ساتھ ساتھ رہبرانقلاب اسلامی کی امنگوں سے تجدید عہد کیا جاتا ہے 
رہبرانقلاب اسلامی کی امنگوں سے تجدید عہد کے یہ اجتماعات پورے ایران کے سبھی چھوٹے بڑے شہروں کے گلی کوچوں اور چوراہوں پر منعقد ہورہے ہیں اور امام رضا (ع) انٹرنیشنل یونیورسٹی کے طلبا اور اساتذہ نے ان اجتماعات کو خیمہ استقامت سے تعبیر کیا ہے  
چنانچہ امام رضا (ع) انٹرنیشنل یونیورسٹی کے طلبا اور اساتذہ بھی روزانہ اجتماع کررہے ہيں اور ان کا یہ اجتماع مشہد مقدس میں فلسطین اسکوائر کے قریب ہر روز شام 7 بجے سے رات 11بجے تک امام رضا( ع) انٹرنیشنل یونیورسٹی کے گرلز ہاسٹل کی عمارت اور کمپلیکس کے باہرمنعقد ہوتا ہے ۔