یوم قدس کی ریلیوں میں شرکت استقامتی محاذ اور ایران کے اقتدار کی تقویت کا باعث ہے،  متولی آ‎ستان قدس رضوی

آستان نیوز کے مطابق ، آيت اللہ احمد مروی نے مشہد مقدس کے محلے گلشہر کی مسجد زہرا (ع) میں فاطمیون کے جوانوں اور اس محلے کے روزہ دار مومنین کے ہمراہ افطارکیا اور پھر اس موقع پرنامہ نگاروں سے گفتگو کرتے ہوئے کہا کہ ایرانی عوام نے اسلامی انقلاب کے مخلتف ادوار منجملہ عالمی یوم قدس کی ریلیوں میں ہمیشہ بھرپور شرکت کی ہے۔ انہوں نے کہا کہ  حقیقت یہ ہے ایرانی عوام کو یوم قدس کی ریلیوں میں شرکت یا ملک کے دفاع کے لئے میدان میں موجود رہنے کے لئے دعوت دینے کی ضرورت نہیں ہے کیونکہ ایرانی عوام اپنے ملک کے مسائل اور حالات سے پوری طرح باخبر ہیں اور ہم سے زیادہ بہتر طریقے سےموجودہ حالات کو درک کررہے ہیں   
آستان قدس رضوی کے متولی نے اس بات کا ذکرکرتے ہوئے کہ انقلاب کے آغاز سے اب تک عوام نے پوری آگہی و شعور کے ساتھ انقلاب اور اپنی سرزمین کا دفاع کیا ہے کہا کہ الحمد للہ آج بھی عوام پوری قوت کے ساتھ میدان میں موجود ہیں اورانقلاب و وطن کے دفاع میں اپنی ذمہ داریاں پوری کررہے ہیں 
 
آیت اللہ مروی نے علاقے کی خاص صورتحال اور اس سال کی عالمی یوم قدس کی ریلیوں کی اہمیت کی طرف اشارہ کرتے ہوئے کہا کہ شاید یوم قدس کی یہ پہلی ایسی ریلی ہو کہ جب ہم وحشی اور جرائم پیشہ صیہونی حکومت کے ساتھ براہ راست جنگ کی حالت میں ہیں  ۔

= علاقے میں صیہونی حکومت کی بالادستی کے لئے دشمن کی اسٹریٹیجی  ۔
آستان قدس رضوی کے متولی نے کہا کہ دشمنوں کے نقطہ نظر سے علاقے میں کوئي بھی ملک جغرافیائي، زمینی یا آبادی کے اعتبار سے غاصب صیہونی حکومت سے بڑا نہ رہے  اور غاصب صیہونی حکومت کی ہی پورے خطے میں بالا دستی ہو 
آیت اللہ مروی نے کہا کہ بنابریں یہ ہم سب کی ذمہ داری ہے کہ اس میدان میں موجود رہیں اور ہمارے عوام کی موجودگی علاقے میں دشمنوں کی ان سازشوں اور منصوبوں کو ناکام بناسکتی ہے
آيت اللہ مروی نے کہا کہ ان کا منصوبہ ایران تک محدود نہيں ہے  بلکہ وہ پورے خطے کو نشانہ بنارہے ہیں۔