آستان قدس رضوی کی ثقافتی صلاحیتوں کو بین الاقوامی سطح پر متعارف کرانے کی ضرورت پر تاکید

آستان نیوز کی رپورٹ کے مطابق؛ رہبر معظم انقلاب اسلامی کے دفتر کے ڈپٹی ڈائریکٹر برائے کمیونیکیشنز اینڈ انٹرنیشنل امور ڈاکٹر سید مہدی مصطفوی نے حرم امام رضا(ع) میں حاضری دینے کے دوران  آرگنائزیشن آف میوزیمز، لائبریریز اور آستان قدس رضوی کے دستاویزاتی مرکز کے سربراہ حجت الاسلام والمسلمین سید جلال حسینی سے آرگنائزیشن کے دفتر میں ملاقات اور گفتگو کی۔ 
اس ملاقات میں آرگنائزیشن کے متعدد ڈائریکٹرز بھی شامل تھے جنہوں نے مختلف شعبہ جات بشمول لائبریریز، میوزیمز، قلمی نسخوں ، ڈیجیٹل لائبریریز، دستاویزات و اخبار اور سابقہ سرگرمیوں، خدمات اور کارناموں پر روشنی ڈالی، اس کے علاوہ حجت الاسلام والمسلمین حسینی نے بھی آرگنائزیشن آف لائبریریز،میوزیمز اور آستان قدس رضوی کے دستاویزاتی مرکز کے توسط سے نشر شدہ منتخب کتب اور چند ایک بہترین آثار کا تعارف کرایا۔ 
انہوں نے ملائیشیا اور ازبکستان جیسے ممالک میں اپنے کاروباری سفرکا حوالہ دیتے ہوئے کہا کہ آرگنائزیشن کا بین الاقوامی منصوبہ مختلف ممالک کی علمی و ثقافتی ضروریات اور رضوی خزانے میں موجود نفیس ذخائر کو مدّنظر رکھتے ہوئے تیار کیا گیا ہے ،اس سلسلے میں اس منصوبے کی تکمیل کے لئے آپ کی خصوصی مشاورت سے استفادہ کریں گے۔ 
سافٹ جنگ میں ملک کے ثقافتی ورثے کی اہمیت
اس ملاقات کو جاری رکھتے ہوئے ڈاکٹر مصطفوی نے آرگنائزیشن کے ڈائریکٹر کی کاوشوں کو سراہاتے ہوئے کہا کہ اس وزٹ کے دوران لائبریری اور میوزیم کی نفیس اور قیمتی اشیاء کا وزٹ کیا جو میرے لئے اعزاز کا باعث ہے ۔ 
انہوں نے مزید یہ کہا کہ آستان قدس رضوی کے پاس جو علمی مواد موجود ہے اس سے دنیا کی عوامی رائے کو قائل کیا جا سکتا ہے ، لہذا بارگاہ امام رضا(ع) اور آستان قدس رضوی میں موجود انتہائی قیمتی صلاحیتوں کو بین الاقوامی سطح پر فروغ دینا چاہئے ۔ 
انہوں نے کہا کہ ہم علم و ثقافت کے وارث ہیں ،آستان قدس رضوی مختلف شعبوں میں موجود صلاحیتوں کو بین الاقوامی سطح پر بروئے کار لاتے ہوئے  ملک کی اعتقادی اور تہذیبی صلاحیتوں کے چشمے دنیا کے سامنے پیش کر سکتا ہے ۔ 
واضح رہے کہ اس ملاقات کے اختتام پر آرگنائزیشن آف لائبریریز، میوزیمز اور آستان قدس رضوی کے دستاویزاتی مرکز کے شائع شدہ منتخب آثار بھی حجت الاسلام والمسلمین حسینی کے توسط سے ڈاکٹر مصطفوی کو ہدیہ کئے گئے ۔ 
اہم الفاظ: آستان قدس رضوی، لائبریریز، میوزیمز،ثقافتی ورثہ، سافٹ جنگ،ڈاکٹر مصطفوی،رہبر معظم انقلاب اسلامی، حرم امام رضا(ع)