افغانستان کے مؤسسہ تبیان کے سربراہ کی امام رضا(ع) انٹرنیشنل یونیورسٹی کے سربراہ سے ملاقات

آستان نیوز کی رپورٹ کے مطابق؛ اس ملاقات کے امام رضا(ع) انٹرنیشنل یونیورسٹی کے سربراہ ڈاکٹر ابراہیم دانشی فر نے افغانستان کے علمی وثقافتی مراکز کے ساتھ روابط کو فروغ دینے پر زور دیتے ہوئے کہا کہ اس طرح کے باہمی تعاون دونوں ممالک کے مابین علمی و ثقافتی اور تہذیبی رشتوں کو مضبوط بنانے کا مؤثر ذریعہ ہیں۔
انہوں نے تعلیم، انتظامی امور کے ماہرین کی تربیت اورآنلائن ورچوئل ایجوکیشن کے فروغ اور مشترکہ تعاون کے دائرہ کار کو توسیع دینے کے ساتھ ثقافتی تربیتی کو امام رضا(ع) انٹرنیشنل یونیورسٹی اور مؤسسہ تبیان کے مابین طے پانے والے مفاہمتی نوٹس کے اہم نکات قرار دیئے۔
ثقافتی مؤسسہ تبیان کے سربراہ حجت الاسلام والمسلمین سید عیسیٰ حسینی مزاری نے تعاون کرنے پر شکریہ ادا کرتے ہوئے امام رضا(ع) انٹرنیشنل یونیورسٹی اور تبیان مرکز کے مابین طے پانے والے تین سالہ مفاہمتی معاہدے پر روشنی ڈالی۔ 
انہوں نے کہا کہ اس تعاون کا مقصد با صلاحیت اور قابل طلباءکو راغب کرنا اورتعلیمی سال کے دوران مسلسل ثقافتی پروگراموں کا انعقاد قرار دیتے ہوئے کہا کہ اب تک متعدد طلباء امام رضا(ع) انٹرنیشنل یونیورسٹی میں داخلہ لے چکے ہیں اور دونوں تعلیمی اور علمی اداروں کے مابین ایک مؤثر اور پائیدار رابطہ قائم ہے ۔ 
مزید برآں،انٹرنیشنل یونیورسٹی امام رضا(ع) کے سربراہ ڈاکٹر ابراہیم داوودی نے ثقافتی مؤسسہ تبیان کو دینی اور ثقافتی شعبہ جات میں ایک فعال ادارہ قرار دیتے ہوئے کہا کہ ایران میں مؤسسہ تبیان کے فعال دفاتر اور ثقافتی سرگرمیوں کی بدولت افغان طلباء کے لئے یونیورسٹی میں ایک سازگار ماحول فراہم ہو چکا ہے ۔