امام رضا علیہ السلام کی زیارت آخرت کے سخت ترین لمحات کے لئے الہی ضمانت  

 آستان نیوز کے مطابق مغربی ایشیا کے عرب ملکوں کی خواتین کا یہ خصوصی پروگرام 13ا گست جمعرات کو حضرت امام رضا علیہ السلام کے یوم شہادت پر منعقد ہوا جس میں شام، لبنان، بحرین، سعودی عرب اور عمان کی خواتین نے شرکت کی
 پروگرام کا آغاز تلاوت قرآن کریم سے ہوا، بعدازاں خورشید ھشتم گروپ نے امام رضا علیہ السلام کے حضور منظوم نذرانہ عقیدت پیش کیا ۔
 پروگرام کو معروف خطیبہ زکیہ العاملی نے خطاب کیا اور امام رضا علیہ السلام کے فضائل و مناقب نیز زیارت کی برکات پر روشنی ڈالی ۔
 
امام رضا علیہ السلام کی زیارت معرفت و اخلاص کا جلوہ

 اس پروگرام میں امام رضا علیہ السلام کی زیارت کے فیوضات پر بھی گفتگو ہوئي جبکہ امام رضا علیہ السلام کے فضائل و مناقب اور اہل بیت اطہار علیھم السلام کے مقام و مرتبے پر بھی روشنی ڈالی گئي
 
پروگرام کے دوران حدیث سلسلہ الذھب اور رضوی تعلیمات میں توحید اور امامت کی اہمیت اور مقام پر خاص طور پر گفتگو ہوئي
 معروف خطیبہ علویہ زکیہ العاملی نے قبر و قیامت کے سخت ترین لمحات کے لئے رضوی ضمانت کی جانب اشارہ کرتے ہوئے کہا کہ روایتوں میں << رضوی ضمانت >> کو تمام زائرین کے لئے چھے دشوار اور سخت مقامات پر  شفاعت اور وعدے کے طور پر بیان کیا گيا ہے ۔

امام رضا علیہ السلام امت کے مددگار اور  رحمت نجات بخش

انہوں نے << امت کے مددگار >> کے عنوان سے امام رضا علیہ السلام کے مقام و مرتبے کی جانب اشارہ کرتے ہوئے زائرین کے لئے اس امام ھمام کی رحمت و عنایت کی وسعت پر روشنی ڈالی اور کہا کہ امام رضا علیہ السلام کی زیارت صرف بارگاہ منور رضوی میں حاضری اور معنوی و روحانی سکون تک محدود نہيں ہے بلکہ دینی معرت کی تقویت اور زیارت کی معنوی برکات سے استفادے کے لئے امام سے ایک تجدید عہد بھی ہے ۔